18 май 2017 10:59Тоҷикистон / Иҷтимоӣ

Соҳибони ҷоизаҳои асосии иқдоми “Смартфони ҳаррӯза” аз Tcell эълон шуданд

Иқдоми “Смартфони ҳаррӯза 2017” аз ширкати Tcell анҷом ёфт. Ширкат бори дуюм аст, ки чунин иқдомро баргузор мекунад. Он 27 марти соли равон оғоз шуд ва то 15 май идома кард. Давоми 50 рӯз ширкат миёни муштариёни худ ҳамарӯза 5 смартфони нави тамғаи “Huawei Y3 II” ба бозӣ гузошт.

Шарти иштирок дар иқдоми мазкур аз ҳад содда буд: муштариро мебоист тавозуни телефони худро ба маблағи 5 сомонӣ ва аз ин бештар пур намояд. Барои ҳар 5 сомонӣ муштарӣ тавассути смс-пайёмак рамзи инфиродӣ дарёфт мекард. Туҳфаҳо тавассути ҳамин рамзҳо бурд карда мешуданд. Ҷараёни бурди туҳфаҳо ҳамарӯза бо усули лоторея дар дафтари асосии ширкат – Tcell Plaza дар Душанбе сурат мегирифт. Ин раванд аз соати 8:40 то 9:20 дар эфири мустақими радиои “Ватан” пахш мегардид. Бо ғолибон баъди муайян шудани рамз кормандони ширкат ва аз эфири радио тамос гирифта мешуд.

16 май бурди ҷоизаҳои махсус сурат гирифт. Дар ин рӯз 5 телевизори TV LED LG SMART, ки ҳамчун телевизорҳои ҳушманд маъруфанд соҳибони худро ёфтанд. Дар қисмати финалӣ тамоми рамзҳои инфиродӣ ё ID-ҳо, ки давоми 50 рӯз ба даст омадаанд, бозӣ карданд. Ба дафтари асосии ширкат муштариёни зиёде ҷамъ шуданд ва ҳар рақами аз лототрон баромада, бо як эҳсоси аҷиб мушоҳида мегардид.

Ду SmartTV насиби муштариён аз шаҳри Душанбе гардид ва онҳо дар як расми тантанавӣ онро гирифтанд. 3 TV-и дигар ба наздикӣ ба соҳибони худ дар минтақаҳои Тоҷикистон расонда мешавад.

Дар тамоми тӯли баргузории иқдом ширкати Tcell ба 250 нафар смартфон тақдим кард. Афроди комилан гуногунтахассус ғолиби иқдом мешуданд. Миёнашон донишҷӯ, нафақахӯр, сохтмончӣ, варзишгар, фурӯшанда ва кормандони ширкатҳои мухталиф буданд. Онҳо аз ҳар гӯшаи кишвари азиз барои туҳфаҳои худ меомаданд. Аммо имсол ҷуғрофиёи иқдом танҳо бо Тоҷикистон маҳдуд нашуд. Дар ин иқдом як муштарии Tcell Миа Хансениз аз Дания, Иван Баранов аз Русия ва MusahSadik аз Гана ҳам баранда шуданд. Ва иқдоми “Смартфони ҳаррӯза” тақрибан ба як иқдоми байналмилалӣ бадал шуд.
Ширкати Tcell бори дигар ғолибони иқдомро шодбош мегӯяд! Мо аз ин ки ҳар рӯз ба Шумо туҳфа медодем, хеле хушнуд будем!