Русский  >>  فارسی  >>  Чоршанбе 26 июл 2017, 11:38

Баъди матлаби “Озодагон”. ВКД аз таваққуфгоҳҳои “яксомонӣ”-и Қарияи Боло интиқод кард

19 май 2017, 08:51

Вазорати умури дохилии Тоҷикистон дар як гузориши телевизионӣ ба масъалаи тавақуфгоҳҳо дар назди беморхонаи Қарияи Боло дахл кард.

Дар ин гузориш гуфта мешавад, афроде роҳравҳои алоҳидаи назди ин беморхонаро ба тавақуфгоҳ табдил дода, аз ронандаҳои воситаҳои нақлиёт маблағ меситонанд. Ин ниҳод мегӯяд, гарчанде тибқи қарори ҳукумат масъулини беморхонаи мазкурро мебоист дар ҷойҳои муайян барои воситаҳои нақлиёт тавақуфгоҳҳо сохта, ба истифода медод, “вале аз хунукназарии онҳо ба ном соҳибкороне сӯистифода намуда, пиёдароҳҳо ва роҳҳои асосии ворид гардидан ба беморхонаро тамоман банд кардаанд”.

Ба иттилои ВКД, ин ҳолат боис гардидааст, ки ҳатто мошини ёрии таъҷилӣ низ наметавонад озодона ба дохили беморхона ворид гардад. Умарҷони Эмомалӣ, сухангӯи вазорат имрӯз, 19 май ба “Озодагон” гуфт, бунёди чунин таваққуфгоҳҳо сабаби танбашавии мошинҳо ва нороҳатии одамон гардидааст. Ба гуфтаи ӯ, ҳоло ин мавзӯъ мавриди баррасӣ қарор дошта, нисбати масъала чораандешӣ мешавад.

“Озодагон” ҳам қаблан дар мавзӯи таваққуфгоҳҳои Қарияи Боло матлабе интишор карда буд, ки “Стоянкаҳо”-и яксомона қонуниянд? Ном дошт. Муаллифи матлаб навишта буд: “Чанд рӯз қабл ба Маркази тиббии ҷумҳуриявии Қарияи Боло, ки дар пойтахт асту ба он корафтодаҳо аз тамоми гӯшаву канори кишвар меояд, рафтам. Дар бари ҷониби ғарбии Марказ мошинроҳе ҳаст, ки он ҳам аз тарафи пиёдагардон истифода мешуду ҳам аз ҷониби мошиндорон. Дидам, ки ба он роҳ ресмоне кашида, нафаре нишастааст. Вақте гузаштам, ҳарфе нагуфт, аммо замони баромадан ресмонро баланд бардошт ва гуфт: “Таға, як сомонӣ те”. Гуфтам, чаро ба ту ман як сомонӣ медодаам. Шарҳ дод, ки: “Ин ҷо стоянкаи пулакӣ аст”.

МАТНИ КОМИЛИ ИН МАТЛАБРО ИНҶО БИХОНЕД


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Июл 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!