Баъди парвози ҳавопаймо. Талош барои барқарор намудани хатсайри автобусҳо ба Узбакистон
Ширкати Asian Express Terminal барои барқарор намудани хизматрасонии мусофиркашонӣ тавассути автобусҳо дар хатсайри Тоҷикистон-Узбакистон интизори посухи Тошканд аст. Дар ин бора Алиҷон Валиев, намояндаи Asian Express Terminal ба Радиои Озодӣ хабар додааст.
Ба гуфтаи Валиев, мавзӯи барқарор намудани хатсайрҳоро қаблан бо намояндаи сафорати Узбакистон дар Тоҷикистон дар миён гузоштаанд. "Чунин тавофуқи ибтидоӣ ҳосил шудааст, ки мусофирон дар терминали "Asian Express Terminal" дар Душанбе барои сафар ба Узбакистон номнавис шуда, нусхаи шиносномаи худро медиҳанд. Сипас, ба таври гурӯҳӣ ба онҳо визаи сафар дода мешавад. Агар чунин пешниҳод тасдиқ гардад, арзиши сафар аз Душанбе ба шаҳрҳои Узбакистон бамаротиб арзон аз хадамоти ҳавопаймо хоҳад буд", - таъкид кардааст Валиев.
Ба навиштаи ca-news.org, дар сурати дарёфти посухи мусбат тирамоҳи соли ҷорӣ автобусҳои Asian Express Terminal дар хатсайрҳои Душанбе-Тошканд-Душанбе, Душанбе-Самарқанд-Душанбе ва Душанбе-Бухоро-Душанбе ба ҳаракат медароянд.
Талош барои барқарор намудани хатсайри автобусҳо миёни Тоҷикистону Узбакистон дар ҳолест, ки 11 апрели соли 2017 баъди 25 сол хатсайри ҳавойӣ миёни ду кишвар аз сар гирифта шуд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |