Мушкилоти нав баъди пулдиҳӣ ба бонкҳои муаммодору болоравии нарх
Бонки Миллии Тоҷикистон, ки қаблан сатҳи таваррум дар соли 2017-ро ҳудуди 7 фоиз пешбинӣ мекард, ахиран изҳор дошт, ки эҳтимол то охири сол ин нишондод ба 8 фоиз бирасад.
Тибқи иттилоияи Бонки Милллӣ сатҳи таваррум аз аввали сол то охири моҳи апрел ба 4,4 фоиз баробар шуд, ки ин нишондод нисбат ба ҳамин давраи соли қаблӣ 1,9 фоиз зиёд мебошад.
Ин ниҳод болоравии тавррумро ба пулдиҳӣ ба бонкҳои муаммодор ва коҳиши истеҳсолоту болоравии нархҳо рабт дод: “Афзоиши ҳаҷми пул дар натиҷаи тағйирот дар бозори асъори хориҷӣ ва сармоякунонии бонкҳои муаммодор ҳамчун таъсири омили монетарӣ ба болоравии қурби асъори хориҷӣ ва фишорҳои қурбӣ ба таваррум мусоидат намуд”.
Манбаъ афзуд, қурби расмии сомонӣ нисбат ба доллари ИМА аз аввали соли 2017 то 30 апрели соли ҷорӣ 7,9 фоиз коҳиш ёфт: “Пулҳои захиравӣ ба ҳолати 30 апрели соли 2017 11,6 миллиард сомонӣ ва ҳаҷми пули нақд дар муомилот 8,8 миллиард сомониро ташкил дод, ки нисбат ба ҳамин давраи соли гузашта мутаносибан ба андозаи 55,5 фоиз ва 52,6 фоиз зиёд мебошад”.
Тибқи маълумоти Бонки Миллӣ меъёри миёнаи фоизи қарзҳои кутоҳмуддати байнибонкӣ 18,0 фоиз ва дарозмуҳлат ба 22,0 фоиз баробар гардид.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |