01 июн 2017 17:15Тоҷикистон / Иҷтимоӣ

Дар Тоҷикистон боз як сомонаи хабарӣ фаъол шуд

Маркази тадқиқоти журналистии Тоҷикистон (МТЖ) сомонаи нави хабариеро бо номи sugdnews.tj фаъол кардааст.

МТЖ дар як иттилоияи ҳадафи таъсиси ин торнаморо “пур кардани фазои иттилоотии вилояти Суғд бо иттилооти боэътимод ва саривақтӣ оид ба сиёсат, ҷомеа, варзиш, сайёҳӣ, фарҳанг, таърих ва ҳаёти ҳаррӯзаи сокинони минтақа” гуфтааст.

Ба иттилои манбаъ, ин торнамо ҳамчунин бо мақсади ҷалби сайёҳони хориҷӣ, ҳимояи манфиатҳои миллӣ, ҳифзи фазои иттилоотии кишвар аз ҳамлаҳои иттилоотӣ ва туҳматҳои интернетӣ фаъол шудааст.

“Сомона танҳо бо забони русӣ фаъол буда, муассисон нақша доранд дар оянда бо чанд забон пахш шавад. Умедворем, ки бо мурури замон, ин сомона ба як агентии иттилоотии муваффақи чандзабона табдил хоҳад ёфт”-омадааст дар иттилоия.

Хуршед Атовулло, раҳбари Маркази тадқиқоти журналистии Тоҷикистон аз корбарон хоҳиш кардааст, маводи иттилоотии худро дар шакли хабар, гузориш, мусоҳиба ва мақолаҳои таҳлилӣ, видеоҳо ба почтаи электронии сомона фиристанд: “Мо омодаи ҳамкорӣ бо ҷомеаи журналистии ҳамаи 18 шаҳру ноҳияҳои вилояти Суғд ҳастем. Ҳар шахс метавонад ҳамчун хабарнигори мардумӣ ё минтақавии мо бошад. Баъд аз таҳрир онҳо дар сомонаи мо чоп карда мешаванд. Мо мехоҳем ба ҷаҳониён диёри азизамонро аз ҳар зовия нишон диҳем”.

Мӯҳр

Хабарҳои монанд:

Дороб

Дар ин вакууми иттилоотие ки Сугд гирифтор аст танхо Хуршед ва камандааш метавонад вилоятро берун кашад... Аммо то кучо саломатиаш имкон медихад намедонам. Ба хар хол, муваффакият!

Ҷавоб диҳед Иқтибос Шикоят

kuhistoni

Хамаш хуб ва бехтар мешуд ки сомона бо забони точики хам мешуд

Ҷавоб диҳед Иқтибос Шикоят

Хатлони

Сохти чунин сомона бисёр шармовар ва дарднок аст. Боиси афзоиши махалгарои мешавад. Бе инхам дар шимол мардум нисбат ба дигар минтакахои кишвар хисси махалгароии бештаре доранд. Набояд ичоза дода шавад ки ин сомона ба номи вилояти сугд ва ахбори вилояти сугд бошад. Барои мо сокинони дигар манотики точикистон ин мояи ранчиш аст.

Ҷавоб диҳед Иқтибос Шикоят

Юсуф

Русӣ, русӣ, русӣ... Ҳамин шумобаринҳо ба русӣ инқадар таваҷҷӯҳ медиҳед, ӯро таблиғу ташвиқ мекунед, ки ҳатто хориҷиҳо дар кӯю кӯча бо тоҷикон русӣ ҳарф мезананд. Ҳар коре мекунед, бо забони худамон кунед. Агар тавонед, боз бо забони англисӣ низ ягон чиз нашр кунед. Забони байналмилалӣ забони англисист, на русӣ. Аз ду сар аз русони миллатгаро баро эҳтироми забонашон раҳмат намешунавед.

Ҷавоб диҳед Иқтибос Шикоят

Эзоҳ илова кунед