ВКД ҷузъиёти ҳамла ба афсари КДАМ-ро шаҳр дод
Вазорати умури дохилии Тоҷикистон мегӯяд, ҳамла ба афсари Кумитаи давлатии амнияти миллӣ дар шаҳри Кӯлоб дар пайи хусумат ва қасос сурат гирифтааст.
Ин ниҳод бо нашри як гузориши видеоӣ гуфт, барои латту кӯби лейтинанти калон Муҳиддин Юнаев 6 нафар боздошт шудааст. Манбаъ аз дастгиршудаҳо бародарон Тоҳирҷон ва Комилҷон Тошмуродовҳо (26-28-cола), Наврӯз Раззоқов (26-сола), Ҷамолиддин Камолов (31-cола), Собир Азаматӣ (28) ва Сайфиддин Юсупов (24-сола) ном бурд. Дар гузориш гуфта мешавад, тафтишот нишон дода, ки Ҷамолиддин Камолов вобаста ба фаъолияти хизматии Юнаев, нисбати ӯ хусумат дошта ва латту кӯби ӯро дар пайи ҳамин хусумат ва бо ҳадафи қасос ташкил ва роҳбарӣ намудааст: “...Камолов бо рафиқонаш бародарон Тошмуродовҳо дар шаҳри Душанбе вохӯрда, бо мақсади содир намудани ҷиноят аз бозори “Корвон”-и шаҳри Душанбе се адад корди хоҷагидорӣ харидаанд”.
Манбаъ мегӯяд, Ҷамолиддин Камолов 12 май ҳамроҳи Тошмуродовҳо ба манзили Наврӯз Раззоқов дар шаҳри Кӯлоб рафта, ӯро бо нақшаи худ огоҳ ва барои ширкат дар ҷиноят даъват кардаанд: “Худи ҳамон рӯз Камолов ва ҳаммаслаконаш назди манзили Юнаев, ки ҳамчун иҷронишин зиндагӣ мекард, рафта, биноро аз назар гузаронида, вазифаи ҳар як иштирокчии ҷиноятро муайян намудаанд”.
Ба иттилои ВКД, тахминан соати 21:50-и шоми 13 май Камолов бо Тошмуродовҳо дар назди даромадгоҳи бинои истиқоматии Юнаев камин гирифта, ҳангоми ба бино ворид гардиданаш бо корд ба бадани ӯ “бетартибона ва бо як бераҳмии махсус зада, сипас ғайб задаанд”.
Манбаъ афзуд, гумонбарон ба узвҳои ҳайётан муҳими Муҳиддин Юнаев 24 маротиба задаанд: “Айни ҳол боздоштшудаҳо дар ҳабси пешакӣ қарор доранд”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |