13 июн 2017 15:03Тоҷикистон / Сиёсат

Президент дар бораи фаровонӣ дар бозор ва наздикии мансабдорон ба мардум

Эмомалӣ Раҳмон, раисиҷумҳури Тоҷикистон имрӯз, 13-уми июн бо ҳузури аъзои ҳукумат ва дигар мансабдорони кишвар машварати корӣ баргузор намуд.

Тибқи иттилои дафтари матбуоти раисиҷумҳури Тоҷикистон зимни машварати корӣ масъалаҳои вобаста ба омодагӣ ба ҷамъбасти натиҷаҳои рушди иқтисодию иҷтимоии мамлакат ва таҳлили ҳамаҷонибаи вазъи соҳаҳои муҳими ҷумҳурӣ дар нимсолаи авали соли 2017 мавриди баррасӣ қарор дода шуд: “Бо ҷалби таваҷҷуҳи ҳозирин ба муҳиммияти масъалаҳои рӯзномаи кори машварат, Сарвари давлат муҳтарам Эмомали Раҳмон ҷиҳати тақвият бахшидани фаъолияти Шӯроҳо ва комиссияҳои давлатию ҳукуматӣ, хусусан дар бахшҳои иқтисодӣ ва татбиқи саривақтии лоиҳаҳои сармоягузорӣ ба масъулони дахлдор дастуру супоришҳои қатъӣ доданд.

Ба иттилои манбаъ тақвияти тадбирҳои ободонию созандагӣ ва таъмини бозорҳои шаҳру ноҳияҳои мамлакат бо маҳсулоти хушсифати кишоварзӣ низ дар кори маҷлис баррасӣ шуд: “Роҳбарони вазорату идораҳо бобати таъмини саривақтии амнияти озуқаворӣ, самаранок истифода бурдани заминҳои таъиноти кишоварзӣ, иҷрои нишондиҳандаҳои барномаю нақшаҳои соҳаи кишоварзӣ, кишти такрорӣ, ҷамъоварӣ ва захираю нигоҳдории маҳсулоти кишоварзӣ бахусус меваю сабзавот, ғалладонагиҳо ва хӯроки чорво вазифадор гардиданд”.

Раисиҷумҳури Тоҷикистон аз иштирокчиёни машварат таъмини иҷрои муқаррароти Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва истифодаи самараноки боғу марказҳои фарҳангию фароғатӣ, ҳавзҳои шиноварӣ ва дигар биною иншооти истироҳатию солимгардонӣ талаб кардааст: “Дар анҷоми машварати корӣ Эмомалӣ Раҳмон ба аъзои Ҳукумат, роҳбарони вазорату идораҳои давлатӣ ва мақомоти қудратӣ барои ҳалли саривақтии арзу шикоятҳои мардум дархосту муроҷиатҳои онҳо, наздикии бештар ба аҳолӣ, риояи ҳатмии муқаррароти қонунгузории мамлакат, таъмини фаъолияти муназзами марказу муассисаҳои фарҳангию фароғатӣ, истироҳатгоҳҳо ва иншооти варзишию солимгардонӣ дастуру супоришҳои қатъӣ доданд”.

Мӯҳр

Хабарҳои монанд:

Беном

Хуб мешуд нисбати одоби муошират ва сару либоси кормандони Макомоти хифзи хукук низ суханрони мешуд. Имруз дар ШКД-2 нохияи Сино корманди он дар болои курси нишаста пойхояш дар болои миз, дар сараш "кепка" пушидаги буду бо чабрдидаи аз худаш 2-3 маротиба калон " ту" гуфта зури мекард. Ва инчунин масхараомез мегуфт: дигар ба Вазири МВД занг назанад , рост ба Академия ва Президент ариза нависад. Озодагон!!! Илтимос Чоп кунед!!!!!

Ҷавоб диҳед Иқтибос Шикоят

Ҳоҷи

Чаро зуд ба телефони боварии вазир занг назадед? Ба чашмаш нишон медод. ҳозир ҳам дер нашудааст, зуд ҷой ва макони ин беодобиро бо соати рухдодааш хабар диҳеду ана баъд бинед. чи мешавад...

Ҷавоб диҳед Иқтибос Шикоят

мехмон

Фаровони хаст , аммо чои кору маош набошад чи суд аз ин фаровони? Чаноби Оли Шумо 1000 сомони гирифта як мох харид намоед ва ба панч нафар таксим намоед + барк, газ , ....боз дигар корхои хешутабори ва хамсоядори !!!!!

Ҷавоб диҳед Иқтибос Шикоят

Эзоҳ илова кунед