Боздошти раиси суғурта барои заминфурӯшӣ
Оҷонсии мубориза бо фасоди Тоҷикистон аз боздошти Абдураҳим Қувватов, собиқ сардори Раёсати Агентии суғуртаи иҷтимоӣ ва нафақаи ноҳияи Вахш хабар дод, ки дар фурӯши ғайриқонунии замин айбдор мешавад.
Тибқи иттилои дафтари матбуоти Оҷонсии зидди фасод Қувватов бо сӯиистифода аз мақоми хизматиаш моҳҳои май-июни соли 2009 аз Нуралиев А. ва Муидинова Р. барои ҷудо ва ҳуҷҷатгузорӣ намудани қитъаи замини наздиҳавлигӣ 3000 доллар гирифтааст: “Сипас бо роҳи сохтакорӣ ариза, қарор ва шаҳодатнома оид ба қонунигардонии молу мулк дар номи Нуралиев А. тайёр карда додааст”.
Манбаъ афзуд, ки инчунин Қувватов дар давраи фаъолияти кориаш барои ҷудо ва ҳуҷҷатгузорӣ намудани қитъаи замини наздиҳавлигӣ аз шаҳрвандон Мосулов М. ва Мосулов С. маблағи 3950 доллару 9100 сомонӣ гирифта, бо роҳи сохтакорӣ ба воситаи Дамонов Абдусалом ба номи Мусулов М. сертификати ҳуқуқи истифодаи замин тайёр карда додааст: “Ҳамчунин, бо мақсади ҷудо намудани қитаъи замини наздиҳавлигӣ аз шаҳрвандон Зарипов М. 24000 доллару 5900 сомонӣ, Саидов Н.А., 10000 доллар, Нодирова Г.А., 4000 доллар, Тагаев Б.Г. 4000 доллар, Шамсиев И.Р. 5000 доллар, Зокиров Р. 9500 доллар, Алиев М.М.1500 доллар, Алиев Ф.М. 6500 доллар ва Ризоева С.А. 92000 сомонӣ гирифта, ба манфиати онҳо ягон амалро иҷро накарда, дар натиҷа бо ин кирдори худ ба номбурдагон зарарҳои гуногуни моддӣ расонидааст”.
Оҷонсӣ афзуд, феълан парвандаи ҷиноӣ нисбати Қувватов Абдураҳим ва Абдусалом Домонов барои қаллобӣ ба миқдори махсусан калон, худсарона ишғол намудани қитъаи замин ва сохтакорӣ ба суд ирсол гардид.
Дар ҳамин ҳол, Агентии "Тоҷиксуғурта" мегӯяд, Қувватов корманди собиқи ин ниҳод аст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |