28 июн 2017 11:56Тоҷикистон / Иҷтимоӣ / Тема дня

Садамаҳои рӯзҳои ид 5 кушта ва 6 захмӣ бар ҷой гузошт

Дар пайи панҷ садамаи нақлиётии рӯзҳои истироҳати гузашта дар қаламрави Тоҷикистон 5 нафар ба ҳалокат расида, 6 тани дигар ҷароҳат бардоштаанд.

Вазорати умури дохилии Тоҷикистон мегӯяд, ин ҳодисаҳо рӯзҳои 26 ва 27 июн ба вуқӯъ пайвастаанд. Ба иттилои манбаъ, соати 18:00-и 26 июн сокини 23-солаи ноҳияи Носири Хусрав ҳангоми ҳаракат аз самти ноҳияи Шаҳритус аз уҳдаи идораи воситаи нақлиёт набаромада, пиёдагарди 7-сола, сокини деҳаи Комсомолро пахш намудааст: “Дар натиҷа ноболиғ ҷароҳати вазнини ҷисмонӣ бардошта, дар беморхона ба ҳалокат расидааст”.

Ҳамон рӯз, ронандаи 33-солаи автомашинаи тамғаи “Дэу-Сиелло”, сокини шаҳри Турсунзода, ҳангоми ҳаракат аз самти шаҳри Қӯрғонтеппа ба самти пойтахт, дар ҳудуди ноҳияи Хуросон аз идораи воситаи нақлиёт набаромада, духтарчаи 9-солаи сокини ҷамоати деҳоти Садриддин Айниро пахш намудааст. Пиёдагарди ноболиғ аз ҷароҳати вазнини ҷисмонӣ дар ҷойи ҳодиса ба ҳалокат расидааст.

26 июн ронандаи автомашинаи тамғаи “Опел-Астра”, ҷавони 19-солаи сокини шаҳри Ваҳдат, ҳангоми ҳаракат дар ҳудуди шаҳри Ваҳдат идораи воситаи нақлиётро аз даст дода, онро ба канори рости роҳ чаппа кардааст: “Дар натиҷа мусофири дохили автомашина ҷавони 17-солаи сокини ҷамоати деҳоти Чӯянгарони шаҳри мазкур ҷароҳати вазнини ҷисмонӣ бардошта, дар беморхона ба ҳалокат расидааст”.

Ба иттилои манбаъ, 27 июн ронандаи автомашинаи “Опел-Астра” таҳти идораи сокини 24-солаи шаҳри Кӯлоб ҳангоми ҳаракат аз уҳдаи идораи воситаи нақлиёт набаромада, ба дарахти канори роҳ бархӯрдааст: “Ҳангоми рух додани чунин бархурд, худи ронанда ва мусофири автомашинаи зикргардида ҷавони 20-солаи сокини шаҳри Кӯлоб, бо бардоштани ҷароҳатҳои гуногуни ҷисмонӣ дар беморхона бистарӣ гардида, мусофири дигари он ҷавони 24-солаи сокини шаҳри мазкур, дар ҷойи ҳодиса ба ҳалокат расидааст”.

27 июн, тахминан соати 16:20 ронандаи автомашинаи тамғаи “Опел-Вектра”, марди 38-солаи сокини шаҳри Истаравшан, ҳангоми ҳаракат дар километри 117-уми шоҳроҳи “Душанбе-Хуҷанд-Чанок” дар ҳудуди деҳаи “Пете”-и ноҳияи Айнӣ аз уҳдаи идораи воситаи нақлиёт набаромада, ба автомашинаи тамғаи “Лексус”, таҳти идораи марди 31-солаи сокини ноҳияи Бобоҷон Ғафуров, бархӯрдааст. Ба иттилои ВКД, дар натиҷа ронандаи автомашаи тамғаи “Опел-Вектра” ва мусофирони он, зани 62-сола, ду нафар духтарчаи 12-сола бо бардоштани ҷароҳатҳои гуногуни ҷисмонӣ дар беморхона бистарӣ шуда, мусофири дигари ин автомашина марди 66-солаи сокини шаҳри Истаравшан, дар ҷойи ҳодиса ба ҳалокат расидааст.

Мӯҳр

Хабарҳои монанд:

Саид

(Шаф шаф накун ,шафтолу гуй!)
Аз навиштаҳо мақсад чист ?!

Ҷавоб диҳед Иқтибос Шикоят

фозил

Хамин идгардакро аз байн барен ин бетартиьихо худаш аз байн меравад ва хам кудакони ноболиг дигар дар роххо сайр намекунанд садама намешавад ва хеч садама намешавад

Ҷавоб диҳед Иқтибос Шикоят

Саид

фозил,
Инно лиЛоҳи ва инно илайҳи роҷиъувн...
Фозил лекин ҳамон (шафтолуи) гуфтагиямро гуфти ,ана ҳамин аст мақсади нопокатон !
Магар идгардакро манъ кунанд одамон дигар намемиранд ?
Мақсадатон танҳо манъ кардани идҳои исломист! Ва ончи бо Ислом таалуқ дорад ...
Чаро ин таҳлилгарон он нохушиҳое,ки дар дигар идҳое бо мо миллати мо бо дини мо бегона ҳасту дар ҳолатҳои сархуши масту аласт мемиранд аз оннҳо ёдовар шуда ҳамон идҳои бемаънеро ман намекунанду таҳлил ё мақолае нисбати онҳо наменависанд?!!!
Дар ҳолатҳои масти бо мошинҳои қимматбаҳояшон то 6..8 одамро пахш карда мекушанду боз болои ин аз ҷавобгари озоданд онҳоро ёдовар наешавем...Ҳаминро қайд кардани ҳастам ,ки Худованд моро (кару кур) кадааст аз ҳақиқат чашм мепушем ва гунгҳам шудаем .. АстахфируЛлоҳ.

Ҷавоб диҳед Иқтибос Шикоят

Эзоҳ илова кунед