08 июл 2017 09:54Тоҷикистон / Сиёсат / Дидгоҳи хос / Тема дня

“Сомон Эйр” сабаби дермонии Устопириёну Саидҷалолро шарҳ дод

Ширкати “Сомон Эйр” дар шарҳи таъхири парвози ҳавопаймояш ба Дубай, ки боиси дермонии паҳлавонони тоҷик аз мусобиқаи байналмилалӣ шуд, боду ҳаворо гунаҳкор донистааст.

Тибқи иттилоияи “Сомон Эйр” 5-уми июл ду ҳавопаймои ширкат аз самти Маскав-Душанбе ва Новосибирск-Душанбе иҷозаи фуруд дар пойтахтро дарёфт накардаанд: “Ба далели шамоли сахт ва раъду барқ ҳавопаймои “Сомон Эйр” дар фурудгоҳи эҳтиётии Хуҷанд фуруд омаданд ва ин боиси таъхири парвозҳо шуд”.

Қаблан Нурулло Лоиқов, раиси Федератсияи ҷудои Тоҷикистон гуфт, ҳавопаймои ширкати “Сомон Эйр” дар хатсайри Душанбе-Дубай бо таъхири 9-соата ба ҳаво хест: “Парвоз бояд соати 17:00-и 5 июл сурат мегирифт, аммо ҳавопаймо соати 02:00-и 6 июл парвоз кард. Парвози хатсайри Дубай-Тайбэй, ки варзишгарони мо тавассути он парвоз мекарданд, соати 3:00 дар нақша буд”.

Комроншоҳи Устопириён дар як суҳбати телефонӣ ба “Озодагон” гуфт, чун инҷо дар парвоз таъхир шуд ва аллакай аз ҳавопаймои хатсайри Дубай-Тайбэй дер монданд, тасмим шуд, парвоз накунанд. Саидҷалол Саидов, паҳлавони дигари тоҷик ҳам мегӯяд, онҳо маҷбур шуданд, чиптаҳои худро баргардонда ва маблағҳояшонро бозпас бигиранд.

Ба гуфтаи Комроншоҳ ва Саидҷалол барои иштирок дар мусобиқаи Ҷоми Осиё беш аз чил рӯз омодагӣ гирифта буданд: “Ин мусобиқа барои мо хело муҳим буд. Дар сурати пирӯзӣ соҳиби 100 имтиёз мешудем, ки роҳро барои иштирок дар Бозиҳои олимпии соли 2020 боз мекунад”.

Мусобиқаи Ҷоми Осиё барои дарёфти холҳои олимпӣ дар шаҳри Тайбэйи Чин шанбеи 8 июл шурӯъ мешавад, аммо раванди дарёфти муҷаввиз барои иштирок ва мураттаб намудани санадҳо аз 6 июл оғоз мешавад. Қарор буд, Комроншоҳи Устопириён дар вазни 90 кило ва Саидҷалол Саидов дар вазни 100 кило ҳунарнамоӣ кунанд.

Мӯҳр

Хабарҳои монанд:

Paymon

"Baroi gu..n noni jav bahona"!!! Ba hotiri oburuyu nomi millat na tanho "somon ajr" balki tamomi masulin metavonistan varzishkorro to joi darkori birasonand. Nouhdabaroyu beparvoiro (shoyad "somon ajr" baroi kursihoi holi odam mejust) ba sari bodu havo partoftan rohattar ast ,chun anik medoni ,ki na javob meshunaviyu na shatta.

Ҷавоб диҳед Иқтибос Шикоят

ivan kazlov

шармандаги бо ин компанияхои миллиамон. агар билети прямойхам хари (москва-душанбе) ё акс, мебини ки транзит анчом мешавад дар хучанд ва чанд соат вакти мусофиронро мегирад, ноадолати ва нохурмати,

Ҷавоб диҳед Иқтибос Шикоят

Amir

....ееее содахо сабаби асоси он аст ки тайёрахо каманд рейсхо бисьёри бад ана аз брои хамин самолетхо дуруст ташхис намекунанд ва аз ин рейс ба он рейс шитоб мекунанд ва гох гох хеле дер мекунанд ....

Ҷавоб диҳед Иқтибос Шикоят

ozodi

Ширкати “Сомон Эйр” дар шарҳи таъхири парвози ҳавопаймояш ба Дубай, ки боиси дермонии паҳлавонони тоҷик аз мусобиқаи байналмилалӣ шуд, боду ҳаворо гунаҳкор донистааст.
havo 100% bud

Ҷавоб диҳед Иқтибос Шикоят

Беном

Ба хамагон вазъияти ширкатхои Милли маълум аст. Вай танхо ба талаботи мардикорон чавобгу асту халос. Барои хамин, шахсоне, ки бо корхои дигар мераванд, хатман аз ширкатхои хоричи чиптаро харанд. Масъалан, ширкати fly Dubai хам арзон асту хам сари вакт парвоз мекунанд. Варзишгарон метавонистанд аз ин ширкат чипта харанд.

Ҷавоб диҳед Иқтибос Шикоят

Эзоҳ илова кунед