Кашфи металҳои нодир дар Вилояти мухтори куҳистони Бадахшон
Саридораи геологияи тоҷик мегӯяд, дар Вилояти мухтори куҳистони Бадахшон металҳои нодир, монанди тантал ва ниобий кашф шудааст.
Раҳмонбек Бахтидавлатов, муовини аввали раҳбари ин ниҳод сешанбеи 11 июл дар суҳбат бо хабарнигорон гуфт, ин металҳои нодир дар пайи кофтуковҳои геологӣ ёфт шуда ва баъди анҷоми корҳо натиҷаи ҷустуҷӯҳо ба ҳукумати кишвар пешниҳод мешавад.
Ба гуфтаи Бахтидавлатов, намунаи маъданҳои ёфтшударо барои ташхис ва натиҷагирӣ ба Олмон мефиристанд ва танҳо баъди хулосаи мутахассисони он кишвар ба коркард шурӯъ хоҳанд кард. Ин масъули Саридораи геологияи тоҷик афзуд, маъданҳои ёфтшуда бештар барои эллектроника истифода мешаванд ва хеле нодиранд: “То ин замон монополисти ягона дар ҷаҳон дар ин самт Чин маҳсуб мешуд. Аммо содироти металҳои қимматбаҳояшро қатъ кард”.
Раҳмонбек Бахтидавлатов мегӯяд, дар гузашта мутахассисони амрикоӣ дар ҳудуди хоки Афғонистон кор бурда ва эълон карданд, ки дар он кишвар металҳои қимматбаҳои зиёде маҳфузанд, аммо авзои амниятии Афғонистон имкон намедиҳад, ки дар ин замина корҳои бештаре анҷом шаванд.
Ба гуфтаи масъулини Саридораи геологияи тоҷик, арзиши тантал ва ниобий дар бозори ҷаҳонӣ хело гарон буда, асосан Ҷопон ва Амрико аз истифодабарандагони ин металҳо ба шумор мераванд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |