19 июл 2017 10:06Тоҷикистон / Иқтисодӣ / Дидгоҳи хос / Видео

Ақибнишинии Саудӣ аз сохтмони парлумони Тоҷикистон: Худоро шукр, Чин грант дод (ВИДЕО)

Ҷамшед Аҳмадзода, раиси Кумитаи меъморӣ ва сохтмони назди ҳукумати Тоҷикистон ақибнишинии Арабистони Саудиро аз сармоягузории бинои нави парлумони кишвар тасдиқ карда, изҳор дошт, маблағгузории ин биноро Чин ба уҳда гирифт.

Аҳмадзода имрӯз, 19-уми июл зимни нишасти матбуотӣ дар Душанбе гуфт, маҷмааи нави парлумони Тоҷикистон дар маркази пойтахт бо гранти 100 фоизаи Чин бунёд мегардад. Ӯ ҳаҷми гранти Чинро ҳудуди 230 миллион доллари амрикоӣ гуфт: “Ҳозир грант ҷудо шуд. Корҳои топографӣ оғоз шуд, лоиҳасозӣ аз тарафи пажуҳишгоҳ идома дорад. Сохтмони бинои нави парлумон то охири сол оғоз хоҳад шуд”.

Дар мавриди бинои нави ҳукумат Аҳмадзода изҳор дошт, ки нисбати лоиҳаи он баъзе эродҳо буд ва феълан ислоҳи он идома дорад: “Маблағгузории онро низ Хитой ба уҳда гирифт”.

Дар ҷавоб ба ин суол ки "дар шароити буҳронӣ бунёди чунин маҷмааҳои боҳашамат то куҷо дуруст аст", раиси Кумитаи сохтмон гуфт, “мо бояд Худоро шукр гӯем, ки грант доданд, коргарҳои мо бо ҷои кор таъмин мешаванд. Биноҳои фарсуда буданд, ҳозир ҳамааш нав мешавад. 53 метр гулгашт мешавад, хуб нест? Бинои парлумон аз 4 ошёна иборат аст, аммо хеле баланд бунёд хоҳад шуд”.

Мӯҳр

Хабарҳои монанд:

Ягноби

Бинои Порлумон набояд аз хисоби як давлати хоричи сохта шавад!
Пагох чи гуна ин вакилони мухтарам дифо аз манофеи Миллати мо мекунанд, хол он ки мизи, ки нишастааст аз худаш нест?
Ба Худо Касам рузе мерасад ин чиноихо таана мекунанд, ки биное, ки алон зераш нишастаед моли мост, Ва аз хисоби миллати чин сохта шудааст........

Ҷавоб диҳед Иқтибос Шикоят

тошболта

дар парлумони нав чанд вакил аз худамон мешаду чандто аз чиноихо ???

Ҷавоб диҳед Иқтибос Шикоят

101

Инаст натичаи бо умеди оши хамсоя турб тарошидан

Ҷавоб диҳед Иқтибос Шикоят

Али

О грантро хитой дода бошад оллох причём! Баъд Чин нагуфтаст ки парламент соз онхо гуфтанд ки заводу фабрика созед

Ҷавоб диҳед Иқтибос Шикоят

сода

А бача баъмеди чинай мочинай нашен ки баъд пула бте гуфта бинора накаша бгира ки сармон бебино мона.

Ҷавоб диҳед Иқтибос Шикоят

Юсуф

Кош ҳамон порлумон ягон аҳамият дошта бошад. Вакилони хомӯш. Ҳарчи президент гӯяд, ҳамон мешавад. Порлумон гуфта Конгресси Амрикоро мегӯянд. Ана он порлумони ҳақиқист. Бе тасдиқи Конгреси ИМА ягон қарори Трамп намегузарад.

Ҷавоб диҳед Иқтибос Шикоят

Мусо

Сири бепул дар мушкаппак,чаноби раис. Чинихо девона нестанд,ки 230000000$-ро ба точикхо бе ягон накша диханд. Как всегда зери коса нимкосаи дигар хаст.

Ҷавоб диҳед Иқтибос Шикоят

Розик

Наход ки бинои Парламенти як кишвари сохибистиклол аз пули мамлакатхои дигар сохта шавад?

Ҷавоб диҳед Иқтибос Шикоят

Эзоҳ илова кунед