Русский  >>  فارسی  >>  Душанбе 24 июн 2019, 18:38

Корманди нозироти андоз дар гирифтани 7500 сомонӣ муттаҳам мешавад

19 июл 2017, 14:23

Оҷонсии мубориза бо фасоди Тоҷикистон аз боздошти корманди нозироти андози ноҳияи Варзоб бо иттиҳоми гирифтани пора хабар дод.

Тибқи иттилои ин ниҳод, боздошти Суҳроб Манонов дар пайи аризаи як сокини ноҳияи Варзоб сурат гирифтааст. Ӯ дар аризаи худ навиштааст, Манонов барои аз ҷавобгарии маъмурӣ озод намуданаш 8000 сомонӣ талаб карда, аз ин маблағ дар ду ҳолат 5000 сомониашро гирифтааст. Манбаъ мегӯяд, дар аризаи шаҳрванд “А” омадааст, корманди андоз аз маблағи талабнамудааш 500 сомониашро кам карда, овардани маблағи боқимондаро дар ҳаҷми 2500 сомониро талаб намуда истодааст: “Дар пайи гузаронидани чорабиниҳои оперативӣ-тафтишотӣ Суҳроб Манонов баъди гирифтани маблағи 2500 сомонӣ дар дохили бӯстонсаройи “Водии гургон”, воқеъ дар ноҳияи Варзоб, ҷамоати деҳоти Варзоб-қалъа, деҳаи Ғусғарф боздошт гардид. Маблағи 2500 сомонӣ ҳамчун далели шайъӣ ёфта гирифта шуд”.

Ба иттилои манбаъ, нисбати Манонов бо аломатҳои моддаи 319 қисми 4 банди “в” Кодекси ҷиноии Тоҷикистон парвандаи ҷиноятӣ оғоз шуда, бо тасдиқи фикри айбдоркунӣ барои баррасӣ намудан ба додгоҳ ирсол шудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!