19 июл 2017 16:15Тоҷикистон / Сиёсат
Сафири Амрико: Номи Гулмурод Ҳалимов аз феҳристи Интерпол ҳазф нашудааст
Ахиран хабарҳое нашр шуд, ки номи Гулмурод Ҳалимов аз феҳристи афроди таҳти ҷустуҷӯ дар вебсайти расмии Интерпол нопадид шудааст. Аммо Элизабет Миллард, сафири ИМА имрӯз, 19 июл дар нишасте зери унвони “Тамриноти низомӣ ба хотири ҳамкории минтақавӣ” дар Душанбе гуфт, исми Ҳалимов аз рӯйхати Интерпол берун нашуда, эҳтимол номи ӯ дар сомонаи мазкур дар феҳрасти дигар ҷиноятҳо навишта шудааст. Интерпол соли 2015 Гулмурод Ҳалимовро таҳти пайгард қарор дода буд.
Гулмурод Ҳалимов моҳи майи соли 2015, замоне, ки раҳбарии дастаи таъйиноти махсуси ВКД ё “ОМОН”-и Тоҷикистонро бар уҳда дошт, тавассути як навори видеоӣ дар интернет аз пайвастанаш ба созмони террористии “Давлати исломӣ” хабар дод. Моҳи августи соли 2016 Ҳукумати ИМА барои иттилоъ дар бораи макони будубоши Гулмурод Ҳалимов то 3 миллион доллари амрикоӣ ҷоиза эълон кард. Аз замони ба ДИИШ пайвастани Ҳалимов то имрӯз дасти кам се маротиба хабари кушта шуданаш расонаӣ шудааст. Бори охир моҳи апрели соли 2017 маҷаллаи “Таймс” аз марги собиқ фармондеҳи “ОМОН” дар шаҳри Мосули Ироқ хабар дод. “Таймс” бо такя ба манобеяш дар мақомоти низомии Ироқ навишт, вазири ҷанги созмони террористии “ДИИШ”, Гулмурод Ҳалимов дар пайи зарбаи ҳавоӣ дар қисмати ғарбии Мосул кушта шуд.
Гулмурод Ҳалимов хатмкардаи Академияи ВКД-и Тоҷикистон буда, дар гузашта дар Русия ва Амрико таълим гирифтааст. Дар нишасти “Тамриноти низомӣ ба хотири ҳамкории минтақавӣ” аз Гай Зироу, иҷрокунандаи директори фармондеҳии марказии Амрико пурсида шуд, ки полковники тоҷик дар гузашта дар давраҳои омӯзишии Амрико ширкат карда буд, оё ҷониби ИМА сари ин масоил фикр намекунад? Ҷаноби Зироу гуфт, аслан бояд кишварҳое, ки низомиёнашонро ба тамринҳо мефиристанд, сари ин масъала фикр кунанд. Он кишварҳо бояд дар интихоби шахсоне, ки ба машқҳо фиристода мешаванд, андеша намоянд.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
