Бахшҳо

Чаро ҳама муллоем?

Азиз НАҚИБЗОД

Аз ҳама бештар намояндагони касбу кори гуногун “ҷойи муллоҳоро танг мекунанд”. Ҳама аз шаръ гап мезананд. Сиёсатмадоре фатво медиҳаду хабарнигоре мухолифи Қурон ҳукм мекунад. Ва ҳар кас мехоҳад динро ба хоҳишҳову ҳавасҳо ва арзишҳои худаш мувофиқу мутобиқ бигардонад. Бехабар аз он ки, гуфтаи Худоро тағйир додан қатъан мумкин нест! Ҳар касе ҳам тағйир медиҳад, дигар наметавонад аз аҳли дин бимонад.

Ҳарчанд, ки Тоҷикистон ба мутахассисони дархури замон сахт ниёзманд асту кадрҳои мо бахусус мутахассисини ҷавон ба меъёрҳо ва талаботи асри нав ҷавобгӯ намебошанд ва дар ҳамин ҳол беҳтарин мутахассисон беш аз ду даҳсола мешавад, ки кишварро тарк мекунанд, аз тамошои телевизионҳои Тоҷикистону дигар расонаҳо ва шабакаҳои иҷтимоӣ ба натиҷа мерасед, ки гӯё мо аслан чунин мушкиле надошта бошем. Гӯё сартосари ватани мо пур аз муттахассису коршинос бошад. Ҳама дар ҳар хусус ва ҳар мавзуъ ҳарф мезананд. Як нафаре, ки дар умраш китобе нахондаву бӯе аз шеър набурдааст ба шоири адабиётшиносе эрод мегирад, ки ин байте, ки навиштӣ сакта дорад. Ҳамин тавр адибе ба духтур аз илми тиб “сабақ” медиҳаду духтур дар ҳамин ҳол ба файласуф дарси фалсафа медиҳад. Онҳое, ки аслан дасташон рӯзномаро надидааст рӯзноманигоронро муҳокима мекунанд ва онҳое, ки боре китоберо варақ назадаанд аз набудани китоби хонданӣ дар кишвар сухан мекунанд ва шоирону адибонро ба камзарфиятӣ ҳукм мекунанд. Ба ҳамин минвол сиёсатшинос аз барқ мегӯяду сантехник аз фарҳангу анъаноти миллӣ ва кишоварз аз кайҳону чӯпон аз техника.

Бадбахтона пас аз истиқлол шахсони бехабар аз соҳа дар вазоратхонаҳову донишгоҳҳо ва корхонаву коргоҳҳо ҷойи мутахассисони воқеиро гирифтанд ва ин раванд то ҳол идома дорад.

Яке аз омилҳои қафомонии кишвар аз ҷиҳати иҷтимоиву иқтисодӣ ҳам ҳамин ҷойи ҳирфавиёнро гирифтани нолоиқон мебошад. Охир як “магазанчӣ” аз “комуникатсия” чӣ мефаҳмад? Ё хокшиноси кишоварз магар метавонад хокшиноси геологро иваз кунад? Ё наворбардори собиқ аз андозу андозбандӣ чӣ медонад?

Ин ҳамаро метавон натиҷаи фасоду маҳалгароӣ ва непотизм шумурд, вале ба олимони мо чӣ шуда, ки дар айни пирӣ рӯ ба шоирӣ овардаанд ва ин корро содда пиндоштаанд? Ва чор ҷумларо ба ҳам пайваст намуда тавонистан маънои нависандагиро надорад. Пас магар хуб нест, ки ҳар кас аз паси маркаби худ шавад?
Офарин ба Низом Қосим, ки бори дуввум аст, тасодуфиҳоро аз узвияти Иттифоқи нависандаҳо хориҷ мекунад. Э кош, ин иқдомро дар тамоми ташкилоту идораҳову вазоратхонаҳо ба роҳ меандохтанд ва номутахассисонро ба қавли Хоҷа Ҳофиз “бар хари худшон менишонданд”.

Аз ин ҳама ончи маро бештар нороҳат мекунад, “мулло шудан”-и хабарнигорону сиёсатмадорон ва олимнамоён аст. Ва ин раванд таърихи 25-сола дорад. Хабарнигорон ба муллое, ки солҳои зиёд шариъат омӯхтааст, ақл ёд медиҳанду дар масоили шаръӣ фатво мебароранд. Ин ҳамкасбони гиромии ман фикр намекунанд, ки ҳамчуноне, ки шумо нозукиҳои хабарнигориро аз як мулло хубтар медонед, пас мулло ҳам шариъатро аз шумо беҳтар медонад! Охир як хабарнигоре, ки ба худ иҷоза медиҳад, ҳукми Қуронро тағйир диҳад оё ҳаққи онро дорад, ки бо муллоён баҳс кунад?

Дарвоқеъ аз ҳама бештар намояндагони касбу кори гуногун “ҷойи муллоҳоро танг мекунанд”. Ҳама аз шаръ гап мезананд. Сиёсатмадоре фатво медиҳаду хабарнигоре мухолифи Қурон ҳукм мекунад. Ва ҳар кас мехоҳад динро ба хоҳишҳову ҳавасҳо ва арзишҳои худаш мувофиқу мутобиқ бигардонад. Бехабар аз он ки, гуфтаи Худоро тағйир додан қатъан мумкин нест! Ҳар касе ҳам тағйир медиҳад, дигар наметавонад аз аҳли дин бимонад.

Ҳоло бояд фикри онро кард, ки чӣ гуна аз ин вазъи печида кишварамонро раҳо кунем. Фикр мекунам посухе аз ин гуфтаи халқ беҳтар нахохем ёфт: ҲАР КАС КОРИ ХУДАШРО КУНАД!
Мӯҳр
Mullo
Ba qavle, "har kas ...hi khudasha khurad"

Рачаб
Вокеан чи суханони оли! Ахсан!

TjK
BOVAR KNEN GAPOI XUB I CHI MUSOBATAI IMRUZ KI HAMA DAVOI MLOGI MEKNA MO TOJIKO XDMONA MUSULMON MEGIREM NEKI I RUMOL GIRI RISH TAROSHI HAMASH ZIDI ISLOMAN

Хикмат
Азизчон акнун фахмидед? Онхо, ки мегуйяд чархи фалак"сварка"кардаги аст ба ин суханхои Шумо гуш намедиханд. Ачаб нест, ки ба халосгар зор шавем.

Донишпазир
1.Мушкили хамаи динхо дар тагйирнопазирии онхост. Хар чизи шахшуда дер ё зуд аз инкишофи тафаккури инсони кафо мемонад ва монеаи пешрафт мешавад. Бартарии илм дар он аст, ки он тагйирпазир, танкидпазир ва хамеша дар инкишоф аст.
2.Дин монополияи ягон кас, аз чумла муллохо нест. Мухим онаст, ки касе дар ин мавзуъ сухбат мекунад бояд босалохият ва босаводона гап занад. Дигар ин ки дар аксар холат муллохои мо ба гайр аз ду се китоби фикх дигар чизе намехонанд ва сухбаташон бештар дар бораи кисаву ривоятхои дини ва тарзи дурусти ичрои корхои дини мебошад, дар бораи назария ва таълимоти дини кам сухбат мекунанд, чунки саводашон намерасад.
3. Иттифоки нависандагонро чи тоза куни чи накуни, ахмияти чидди надорад, маош нагиранд, бошанд чи зарар дорад. Гумон намекунам, ки ин кор сифату мундаричаи асархо аъзоёни ихроч нашударо баландтар кунад. минбаъд талаботро сахттар кунанд дурусттар аст.

Аҳсан бародар !
Дар ҳақиқат таҳлили бомавриду ҳаёти имрузаро гуфтед ва хело ҷолиб.
Банда ҳам бештар дар ҳамин ҳолатҳое ки имрузҳо мебинам фикр мекунам то чи дараҷа бефарҳангу беномусиро пеша кардаем ,ин рафторҳо мардумро норозиву бо андешаи мақомотҳо (ифротгаро) мекунад ,наход ин ҳолатҳоро мушоҳида намекарда бошанд.

Тартиби муаян дар ҳар кор бояд бошад,дар дин ҳам,......

Салом
Бехтарин суханхо интизор дошта бош ки журналисто девона ё маизадаат меброранд.

Ончи дар кишвар хараҷу мараҷ ва бетартибӣ бисёр аст, ин ба касе сир нест. Сарнавишти ҳар як давлати навбунёд ҳамин аст. Барои ба назм даромадан вақт даркор. Лекин як чизро бояд ҳамеша пешгирӣ кард: НАБОЯД НАМОЯНДАГОНИ РӮҲОНИЁН сари ҳокимият биоянд. Он гоҳ илму фарҳангу тараққӣ шах мешавад. Зеро рӯҳониён ба ҳаёт ва иҷтимоиёт аз фарози мафкураи худашон менигаранд. Мафкурае, ки ба он ҳазору чаҳорсад сол пеш пойдевор гузошта шудааст ва ҳеҷ гоҳ тағйир нахоҳад ёфт.

Накбкан
"Ҳама аз шаръ гап мезананд. Сиёсатмадоре фатво медиҳаду хабарнигоре мухолифи Қурон ҳукм мекунад". Қурон-и навиштагит Қуръон бояд бошад.... Бобои Азизи Накибхон акалан номи хамин китоби мукаддасро дуруст нависед... дар ду чо хамин хел хато омадааст. Маколаатон хуб аст!

Офарин бародар, маколаи хуб.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)