Парвандаи Хадамоти гумрук нисбати як ҷавон барои иштирок дар ҷангҳои Сурия
Хадамоти гумруки Тоҷикистон мегӯяд, кормандони ин ниҳод дар вилояти Суғд нисбати як сокини шаҳри Истаравшан, ки дар Сурия қарор дорад, парвандаи ҷиноятӣ оғоз кардаанд.
Торнамои расмии ин ниҳод мегӯяд, хабари дар Сурия будани ин ҷавони 30-сола дар пайи як чорабинии оперативӣ-ҷустуҷӯӣ маълум шудааст. “Муайян карда шуд, ки шаҳрванд Т.Х.соли таваллудаш 1987, истиқоматкунандаи шаҳри Истаравшан, тахминан моҳҳои сентябр ва октябри соли 2015 ҳангоми дар Федератсияи Русия қарор доштанаш бо даъвати шахсони номаълум ба иттиҳодияи ҷиноятии Ҳаракати Исломии Узбекистон, ҳамчун аъзои фаъоли гурӯҳҳои ифротгаройии террористии ҷамоати “Ансоруллоҳ” шомил шуда, тахминан моҳи июни соли 2016 тариқи пинҳонӣ ба давлати Туркия, сипас барои иштирок намудан дар задухӯрдҳои мусаллаҳона ба Ҷумҳурии Арабии Сурия рафта, барзидди қувваҳои ҳукумати Сурия ширкат варзида истодааст”,-хабар медиҳад манбаъ.
Торнамои Хадамоти гумрук дар идома таъкид кардааст, “дар кирдори шаҳрванд Т.Х. аломатҳои таркиби ҷиноят, яъне ҷалб ва иштироки ғайриқонунии шаҳрвандони Ҷумҳурии Тоҷикистон ва шахсони бешаҳрванд дар воҳиди мусаллаҳ, задухӯрди мусаллаҳона ё амалиёти ҷангӣ дар қаламрави дигар давлатҳо дида мешавад”.
Дар зимн, нисбат ба ин сокини Истаравшан бар пояи моддаи 401 иловаи 1-и Кодекси ҷиноятии Тоҷикистон парванда оғоз шуда, аз рӯи тобеияти тафтишотӣ ба додситонии вилояти Суғд ирсол шудааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |