Русский  >>  فارسی  >>  Якшанбе 21 апрел 2019, 01:33

Вазири рушди иқтисод дар бораи таъсири таҳримҳои алайҳи Русия ба Тоҷикистон (ВИДЕО)

1 август 2017, 15:31

Вазири рушди иқтисод ва савдо мегӯяд, аз он ки Русия шарики стратегии Тоҷикистон аст, ҳар тағйирот дар бахши иқтисоди он ба кишвари мо низ бетаъсир нахоҳад буд. Неъматуллоҳ Ҳикматуллоҳзода ин нуктаро имрӯз, якуми август зимни нишасти матбуотӣ дар посух ба суоли хабарнигорон дар мавриди таъсири таҳримҳои иқтисодии Ғарб алайҳи Русия ва таъсири он ба Тоҷикистон изҳор дошт.

Ӯ гуфт, Тоҷикистон вобаста ба пешгӯиҳо ва тағйирот дар иқтисоди Русия чораандешӣ мекунад ва соли 2015 дар ин замина ҳукукмати кишвар барномаи зиддибуҳронӣ ва кам кардани таъсири омилҳои берунаро қабул кард, ки татбиқи он имкон медиҳад вобастагии Тоҷикистон ба хориҷ кам гардад. Вазири рушди иқтисод ва савдо мегӯяд, дар татбиқи ин барнома ба дастовардҳои муайян низ расидаанд: “Агар шумо буҳрони соли 2008-2009-ро дар хотир дошта бошед, ҳаҷми интиқоли пул аз ҷониби муҳоҷирон дар соли 2009 нисбат ба соли 2008, 30% кам гашт, ки дар пайи он рушди иқтисод беш аз ду баробар коҳиш ёфт. Дар ҳодисаҳои ду соли охир ҳаминро гуфтаниям, ки интиқоли пул аз Русия дар соли 2015 нисбат ба соли 2014, 35% ва соли 2016 нисбат ба соли 2015 боз 30 дарсади дигар коҳиш ёфт, ки ба рушди иқтисод он қадар таъсир нарасонд”.

Ба гуфтаи Неъматуллоҳ Ҳикматуллоҳзода, бо ба роҳ мондани рушди сиёсати иқтисодӣ дар асоси саноатикунонӣ, метавон омилҳои вобастагӣ ба берунро коҳиш дод.



Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Холо хам ба умеди оши палави хамсоя турб метарошед,холо хам ба умеди пули мардикор?
Посух додан
  • Хар

  • 1 август 2017 21:36
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ай пули мухочирон хам умед дорем гуед.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!