Худдории “Тоҷиксуғурта” аз кӯмак ба зарардидаҳо: Одат мекунанд...
Абдулло Абдуллоев, муовини директори “Тоҷиксуғурта” мегӯяд, минбаъд ба аҳолии минтақаҳои зарардида аз офатҳои табиӣ, ки шартномаи суғурта надоранд, ҷубронпулӣ пардохт нахоҳанд кард.
Абдуллоев ин нуктаро зимни нишасти матбуотӣ дар пойтахт изҳор дошта, афзуд, “қаблан бо дастури Президент мо новобаста аз доштани шартнома, ба зарардидагони офатҳои табии ноҳияҳои Шуғнон, Рӯдакӣ, Тоҷикобод ва шаҳри Кӯлоб маблағ пардохт карда будем. Аммо ин маблағ баъди ба тасвиб расидани қонуни нав дар бораи суғурта дигар пардохт нахоҳад шуд”.
Ноиби раиси “Тоҷиксуғурта” таъкид намуд, ки аз ҳукумати ҷумҳурӣ низ дастур гирифтаанд, ки мувофиқи қонунгузорӣ минбаъд ҷуброни зарар ба нафароне, пардохт шавад, ки шартнома доранд: “Надошта бошад, дигар он супоришҳое, ки солҳои пешин шуд, ҳукумат ҳам намедиҳад. Барои он ки агар мо инхел кардан гирем мардум дигар суғурта намекунад. Худи қонунгузорӣ ҳам гуфтааст, ки агар шартнома набошад мо ҳуқуқи пардохт кардан надорем”.
Ба гуфтаи Абдуллоев, дар пайи як санҷиш муайян карданд, ки қисме аз хонаҳои зарардида аз офатҳои табиӣ худсарона дар минтақои хатарнок бунёд шудаанд: “Кумитаи ҳолатҳои фақулода низ дар хусси ҷойҳо хатарнок огоҳ мекунад, ки хона накунед, аммо ба ин нигоҳ накарда дар ҳамон ҷойҳои хавфнок хона бино мекунанд ва мо ба он хонаҳое, ки дар минтақаҳои садамавӣ бунёд гаштаанд, шартнома намебандем”.
Дар мавриди онҳое, ки шартнома доранд, Абдуллоев гуфт, дар нимсолаи аввали соли ҷорӣ ба 5878 шахсони хуқуқию воқеӣ, ки молу амвол ва ҳаёту саломатиашон осеб дидаанд, ба маблағи 5 миллиону 176 ҳазор сомонӣ ҷубронпулӣ пардохт кардаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |