Русский  >>  فارسی  >>  Сешанбе 20 феврал 2018, 12:35

Рӯзноманигор аз “рӯйхати сиёҳ” берун шуд. Метавонад ба телевизион баргардад

8 август 2017, 10:26

Миёни 56 сокини ноҳияи Чилонзори шаҳри Тошканд, ки аз “рӯйхати сиёҳ”-и мақомоти ҳифзи ҳуқуқ берун шуданд, хабарнигор Хайруллоҳ Ҳомидов ҳам ҳаст. Бино ба хабарҳо, акнун ӯ метавонад ба кори худ дар телевизион ҳамчун шореҳи варзиш идома диҳад.

Ҳомидови 42-сола бо шеърҳои мазҳабии худ дар Узбакистон маъруф аст. Дар суҳбат бо расонаи “Kun.uz” вай гуфтааст, “раҳбарияти ТВ акнун бе ягон тарс метавонад маро ба кор даъват кунад. Шореҳиро хеле пазмон шудаам”.

Пештар хабар доданд, зидди Ҳомидов, ки тобистони соли 2015 аз зиндон озод шуд, бар пояи банди нав -- 216 (Ташкили ғайриқонунии созмони ҷамъиятӣ ё динӣ"-и Кодекси ҷиноии Узбакистон парванда боз шудааст. Худи ӯ гуфт, ҷузъиёти тафтишотро баъдтар шарҳ хоҳад дод.

Номи Ҳомидовро, ки 5 соли умри худро бо айби мазҳабӣ дар зиндон пушти сар кардааст, ба рӯйхати махсуси гумонбарони узвият дар созмонҳои мамнуи динӣ ворид карда буданд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!