Русский  >>  فارسی  >>  Ҷумъа 18 август 2017, 02:34

Латукӯб ва боздошти ғайриқонунӣ дар қурутобхона

11 август 2017, 10:26

Вазорати умури дохилии Тоҷикистон аз боздошти ду мард - сокини 25-солаи кӯчаи Лучоби шаҳри Душанбе ва истиқоматкунандаи 30-солаи шаҳри Кӯлоб хабар дод, ки дар боздошти ғайриқонунии шаҳрванд айбдор мешаванд.

Тибқи иттилои ВКД, боздоштшудаҳо 7-уми июли соли 2017 аз ҳудуди шаҳри Хуҷанд марди 29-солаи сокини шаҳри Истаравшанро маҷбуран ба шаҳри Душанбе овардаанд: “Дар яке аз утоқҳои қурутобхонае, ки ба сокини 25-солаи Душанбе тааллуқ дорад, ҷабрдидаро лату кӯб намуда, ӯро дар ҳуҷраи анборхонаи нуқтаи таъмири воситаҳои нақлиёт, ки дар қафои қурутобхонаи мазкур ҷойгир мебошад, аз санаи 14-ум то 21-уми июли соли 2017 ғайриқонунӣ аз озодӣ маҳрум намудаанд”.

ВКД далели гаравгонгириро шарҳ надода, изҳор доштааст, ки аз рӯи ин ҳодиса парвандаи ҷиноятӣ оғоз гардида, тафтишот идома дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!