Русский  >>  فارسی  >>  Ҷумъа 18 август 2017, 02:32

Муҳоҷират: Тобути боз як муҳоҷири тоҷикро ба Ватан оварданд

11 август 2017, 10:33

Як муҳоҷири 36-солаи тоҷик дар пайи таркиши газ ба ҳалокат расидааст. Тобути Киромиддин Роибов, сокини рустои Айнии ноҳияи Ҷалолиддини Балхӣ 10 август ба Тоҷикистон оварда шуд.

Абдураҳмон Раҳмонов, яке аз хешовандони Киромиддин дар суҳбат ба “Озодагон” гуфт, ҳодиса ҳафтаи сипаришуда дар вилояти Челябинск ба вуқӯъ пайвастааст: “Ӯ ҳамроҳ бо як гуруҳи дигари тоҷикон барои бунёди як бӯстонса ба кандани таҳхона машғул будааст. Нисфирӯзӣ вақте ҳамроҳонаш ғизохурӣ мераванд, гуфтааст, ки корашро тамом карда, пасон меравад. Вақти кандани замин буеро эҳсос мекунад. Ӯ гугирдро бароварда онро рӯшан мекунад ва таркиш ба амал меояд. Дар ҳоле ки тамоми баданаш сухтааст, ба бародараш занг зада мегӯяд, зуд биёд, ки сӯхтааст”.

Ба гуфтаи вай, Киромиддинро ба беморхона интиқол медиҳанд ва ӯ баъди чор рӯз онҷо ба ҳалокат мерасад.

Рабиев оиладор буда, соҳиби 4 фарзанд будааст.

Ба омори ғайрирасмӣ беш аз як миллион шаҳрванди Тоҷикистон дар муҳоҷирати меҳнатӣ дар Русия қарор дорад ва ҳамасола тобути даҳҳо тани онҳо ба Ватан оварда мешавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!