Русский  >>  فارسی  >>  Сешанбе 20 феврал 2018, 12:34

Мирзиёев: Ҳар роҳбар болоравии нархи нон, гӯшт ва бемасъулиятиро дар бозорҳо бо чашмони худ бубинад..

14 август 2017, 15:34

Шавкат Мирзиёев, раисҷумҳури Узбакистон чаҳор мақомдори шаҳри Алмалики кишварашро аз вазифа барканор кард. Раиси ноҳия, сардори бахши корҳои дохилӣ, сардорони андозу молия шомили чаҳоргона ҳастанд.

Бино ба иттилои расонаҳо, Мирзиёев гуфтааст, мақомдорони мазкур лоиқи курсиҳои ишғолкардаашон нестанд: “Ҳар роҳбар бояд аз ҳамон ҳавое нафас бигирад, ки мардум мегиранд: агар барқ нест, пас бояд бе барқ зиндагӣ кунанд, агар роҳ нест, пас бе роҳ ва агар об нест - бе об зиндагӣ кунанд”.

Президенти Узбакистон низоми наверо пешниҳод карда, ки тибқи он ҳамаи роҳбарони ноҳияҳо набояд дар алоҳидагӣ зиндагӣ кунанд. “Давлат барои роҳбарон дар ноҳияҳо манзил ҷудо мекунад. Бигзор ҳар роҳбар болоравии нархи нон, гӯшт ва бемасъулиятиро дар бозорҳо бо чашмони худ бубинад”, - афзудааст Мирзиёев.

Ба навиштаи расонаҳо, президенти Узбакистон ҳокими пешини ноҳияи Юнусобод Мираъзам Мирқосимовро, ки моҳи март аз мансаб сабукдӯш шуда буд, дар шаҳри Алмалик ҳоким таъин кард. Мирқосимов низ баъди сафари Мирзиёев ба Юунусобод аз мақом барканор шуда буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!