Боздошти се шаҳрванди Тоҷикистон бо гумони омодагӣ ба теракт дар Маскав (ВИДЕО)
Хадамоти федеролии амнияти Русия (ФСБ) мегӯяд, дар шаҳри Москва чаҳор узви як гуруҳи террористиро боздошт кардааст, ки қасди анҷоми теракт дар марказҳои савдои пойтахти ин кишварро доштанд.
Ба иттилои хабаргузории "Интерфакс", се нафари боздоштшудаҳо шаҳрванди Тоҷикистон буда, бо қарори додгоҳ ду моҳ ба ҳабс гирифта шудаанд. Онҳо дар қочоқи маводи тарканда айбдор мешаванд. Яке аз дастгиршудаҳо ба гуноҳи худ дар додгоҳ иқрор шудааст. Аз ин шаҳрвандони Тоҷикистон Сулаймон Бурҳонов, Сиёвуши Давронзода ва Давлатёр Ҳоҷиев ном бурда мешавад. Ба иттилои расонаҳо, Сиёвуши Давронзода 17 сол дорад.
Нафари чаҳорум, ки шаҳрванди Русия аст, дар бораи ҳабси ӯ ҳанӯз иттилоъ надодаанд. ФСБ мегӯяд, миёни боздоштшудаҳо яке гумоштаи гурӯҳи даҳшатафкани "Давлати исломӣ" ва дигарӣ созандаи маводи тарканда буда, ду нафари боқӣ "террористҳои маргталабанд".
ФСБ борҳо аз боздошти тарҳрезони эҳтимолии амалҳои террористӣ дар шаҳрҳои Петербургу Москва хабар додааст. Охирҳои моҳи июл 7 зодаи Осиёи Марказиро дастгир кард, ки гӯиё қасди теракт дар Петербургро доштанд. Ҳамчунин моҳи ноябри соли 2016 гуфт, 10 касро бо гумони омодагӣ ба силсилаи амалҳои харобкорию теракт дар Москва ва Санкт-Петербург боздошт кардааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |