Русский  >>  فارسی  >>  Чоршанбе 20 сентябр 2017, 10:47

Шӯрои уламои Тоҷикистон рӯзи Иди Қурбонро 24 август эълон мекунад

17 август 2017, 09:05

Санаи дақиқи баргузории Иди саиди Қурбон дар Тоҷикистон расо баъди як ҳафта эълон хоҳад шуд.

Як манбаъ аз Шӯрои уламои Марказии исломии Тоҷикистон имрӯз, 17 август дар суҳбат ба “Озодагон” гуфт, панҷшанбеи 24 август бо баргузории як ҷаласа рӯзи Иди Қурбон ва соати шурӯи намози идро эълон хоҳанд кард.

Иди Қурбон яке аз ду иди бузурги мусалмонони ҷаҳон аст, ки ҳамасола рӯзи 10-уми Зулҳиҷҷа, пас аз 2 моҳу 10 рӯзи Иди Фитр таҷлил мешавад. Сокинони мусалмони Тоҷикистон Иди Рамазонро 26 июн ҷашн гирифта буданд.

Мардуми доро одатан дар рӯзи Иди Қурбон бар асоси расму ойини мазҳабӣ, гӯсфанд ё говеро қурбонӣ намуда, гӯшти онро ба афроди камбизоат медиҳанд. Соли гузашта Иди Қурбон 12 сентябр фаро расида буд.

Эмомалӣ Раҳмон, раисҷумҳури Тоҷикистон 16 август дар мулоқот бо сокинони ноҳияи Вахш ба мавзӯи Иди саиди Қурбон ҳам дахл карда, аз ҷумла гуфт, “қурбонӣ кардан яке аз суннатҳои ин ид мебошад, вале набояд фаромӯш кард, ки тибқи аҳкоми шариат ва фатвои фақеҳонӣ мазҳаби ҳанафӣ иҷрои ин амал танҳо ба шахсоне дуруст аст, ки шароити хуби зиндагӣ ва имконияти кофии молиявӣ доранд. Ба шахсоне, ки дар рӯзгорашон мушкилот доранд, серфарзанд ҳастанд, ё сарпарастии чандин нафари дигарро ба уҳда доранд, қурбонӣ кардан ва хайру садақа додан дуруст нест”.

Изҳороти Э.Раҳмон: Кӣ қурбонӣ кунаду дастархон чӣ гуна бошад?


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бе эълони шурои уламо хам ба мо аник,ки ин ид 2 сентябр фаро мерасад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!