Русский  >>  فارسی  >>  Ҷумъа 24 ноябр 2017, 10:38

Дар Қирғизистон 41 номзад ба мақоми президентӣ аз имтиҳони забон гузаштанд

17 август 2017, 16:14

То 16 август 46 номзад ба мақоми президентӣ дар Қирғизистон имтиҳони забони қирғизиро супориданд. Кумитаи миллии Қирғизистон дар умури забони давлатӣ хабар медиҳад, ки аз ин шумор 41 нафар аз имтиҳон гузаштаанд.

Ҳафтаи ҷорӣ Комисияи марказии интихоботӣ ба номзади мақоми президентӣ аз ҷиноҳи порлумонии "Республика-Ота-Журт" Омурбек Бабанов, сарвазири пешин шаҳодатномаи номзадиро супурд. Вай расман номзади сабтиномшуда эълон гардид. То ин замон Темир Сариев, раиси ҳизби "Ак Шумкар" низ шаҳодатнома дарёфт кард. Сариев низ дар гузашта сарвазири Қирғизистон буд.

Интихоботи президентӣ дар Қирғизистон 15 октябр баргузор хоҳад шуд. 59 нафар эълон карданд, ки барои курсии президентӣ мубориза мебаранд.

Омурбек Текебоев, роҳбари ҳизби "Ота Макон", ки ҳоло зиндонист, натавонист имтиҳони забони давлатиро супорад. Зеро барои вай шароит фароҳам нашуд. Рӯзи чаҳоршанбеи 16 август, Текебоев бо айби фасодкорӣ 8 сол зиндонӣ шуд. Ин айбро сиёсатмадор рад мекунад. Ҷонибдорони вай мегӯянд, парвандаи ҷиноии Текебоев ангезаи сиёсӣ дорад ва бо ин баҳона ӯро аз иштирок дар интихобот маҳрум карданд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!