Русский  >>  فارسی  >>  Чоршанбе 20 сентябр 2017, 01:51

Қонунро танзим кунем ё танзимро қонун?

18 август 2017, 11:31

Иршод СУЛАЙМОНӢ

Ин шабу рӯзҳо мавзӯи нумраи аввали Тоҷикистон масъалаи тағйирот ба қонуни ба истилоҳ “танзим” аст. Ҳато ин мавзӯъ аз шумули мансабдорони “сатҳи баланд” як “қурбонӣ” ҳам дод. Сайфиддин Назарзода, мудири Китобхонаи миллии Тоҷикистон, ки дар тӯйи писараш муқаррароти ин қонунро риоят накардааст, аз мансаб сабукдӯш шуд. Вале оё ин мавзӯъ барои Тоҷикистон усулист? Агар усулист шеваи роҳандохта дуруст аст?

Пеш аз ҳама бояд бигӯям, ки ин гуна қонунҳо ва “чорабиниҳо” хоси ҷомеаҳои ақибмонда мебошанд. Яъне, ҷомеаҳое ки ҳам ба лиҳози иқтисодӣ ва ҳам ба лиҳози маънавӣ ақиб мондаанд. Зеро танзим кардани қонунмандиҳои рафтори фитрӣ ва маишӣ хосӣ меъёрҳои ҳуқуқ набуда, дар ҷомеаҳои огоҳу аз лиҳози маънавӣ пешрафтатар хоси меъёрҳои ахлоқ мебошад. Ин тафаккури камбағалии мост, ки мехоҳем ҳама бидонанд, ки мо то куҷо дасткушоду сахием. Дар ҳоле ки худамон медонем, ки тавонмандии ин ҳама беҳудакориро надорем. Вале аз сӯйи дигар инсон баста ба тавонмандиҳои моливу иқтисодиаш мухтор аст, ки дар чӣ поя ва бо чӣ шаҳомате масоили хонаводагияшро мудирият кунад.

Агар ҷомеаи мо як ҷомеаи маданӣ шавад (аз лиҳози илму донишу маънавиёи пешрафт кунад) мардум худ ба ин пиндор мерасад, ки ин ҳама дағдағаву шаҳомат кори беҳудае беш нест. Дар ҷомеаҳои аврупоӣ, ки зоҳиран ҳам ба лиҳози маънавию ҳам ба лиҳози иқтисодӣ аз мо доротаранд ин гуна масоилро сатҳи маънавӣ ва ахлоқии ҷомеа барвақт танзим кардааст. Доротаринҳои онҳо тӯйҳояшонро бо 20-30 нафар бо ду се шиша шампону ду се навъи солодҳо баргузор мекунанд. Вале дар ин баробар суоли посухталаб ин аст, ки оё дар воқеъ сабаби “стагнатсия”-и ҷомеаи мо ҳамин хароҷоти беҳудаанд?

Агар ин пиндор дуруст бошад, чиро давлат аз баргузор кардани маъракаҳои намоишкоронаи ҷашну идҳои давлатӣ даст намекашад? Магар ин ҷашнҳо хароҷот надоранд? Даст накашидани давлат аз ин ҳама намоишкориҳои пурҳазина ба ин маъно нест, ки бо сарфа кардан аз хароҷоти ҷашнҳои хонаводагӣ давлат барои хароҷоти худ дар ҷашнҳои давлатӣ ҳазина меғундорад? Вале аз ин ҳама суолу посухҳои риторикиву пиндорҳо агар бигзарем, ба ин тафаккур мерасем, ки Тоҷикистон ба қонуни танзим ниёз дорад ё танзими қонун?

Албатта, посух ин аст, ки танзими қонун. Зеро бештарини омилҳои ақибмондагӣ ва камбағалии мо берун аз қонун ҷо гирифтани мардум, пеш аз ҳама ҳукумат ва мансабдорон мебошанд. Набуди ҳокимияти қонун (волоияти қонун) дар Тоҷикистон омили эҷоди ин ҳама бебандуборӣ шудааст. Чиро барои садама кардани писари муовини нахуствазир “ҳолати техникии автомошина” гунаҳкор мешаваду барои садама кардани шаҳрвандони муқаррарӣ қонун “сад дар сад” татбиқ мешавад? Оё мардум ин тарафи амалкардҳои мансабдоронро намебинанд? Ҳатман мебинанд. Ҳамин аст, ки худи амалкарди мансабдорон ва ё чашмпӯшии ҳукумат масъалаи танзими қонунро ба як кори ношуданӣ табдил медиҳад. То замоне ки худи ҳукумат ва мансабдорон дар иҷрои қонун садоқат нишон надиҳанд, ҳеч қонуне, аз ҷумла ҳамин “қонуни танзим”, ки бо пуштибонии раисҷумҳур вориди порлумон шуд, риоят намешавад.

Рӯшан аст, ки сабаби рушд накардани Тоҷикистон “беқонунӣ дар доираи қонун” аст. Бо ин мушкил ҳам мубориза кардан мантиқитар ва фоидаовартар аст...


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
марзи гапро гуфти бародарҷон
Посух додан
  • Омуи

  • 18 август 2017 14:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Танхо чумла авал кофист
Пеш аз ҳама бояд бигӯям, ки ин гуна қонунҳо ва “чорабиниҳо” хоси ҷомеаҳои ақибмонда мебошанд.
Баъди ин чумла дигар хамааш шархи олие аст.
Посух додан
  • Tugri

  • 18 август 2017 14:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Тугри кайд кардед ин хамааш сад дар сад рост аст.
Посух додан
  • Хонума

  • 18 август 2017 15:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин!
Посух додан
  • Саидбилол

  • 18 август 2017 17:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бисер андешахои мантики ва бо Маврид. вокеан дар Точикистон танзими конун ба ичро ва риояи чиддии он зери назорат гирифта шавад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хушхол гаштам, ки чунин андешаву фикрхои амику, соддаю фахмо доред. Ташаккур ва бурдбори!
Посух додан
  • мехмон

  • 18 август 2017 17:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Конуни танзим бояд аз худи давлат ва ходимони баландпояи давлат огоз шавад. Аввал аз идхои давлати ва намоишхои бекора ки кудакони мактабхонро моххо маршировка медиханд. Дар хама чо мо аз ,,чахонишавии" чумхури маърузахо мекунему аз чахони муосир кариб як аср кафо мондаем. Ин кафомони ба рафтору кирдорамон рост меояд. Аз тарафи иктисодиёт ва технология 350 сол кафо мондаем. Аз мошинасози, микророботхо, техникаи харбию самолетсози бошад 1000 сол кафо мондаем. Исбот :----Магар дар се чор садсола Точикистон кудрати сохтани киштии кайхониро дорад?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ОФАРИН БАРОДАР!!!
Посух додан
  • Салом

  • 18 август 2017 20:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародарчон беморт наброран хубаи
Посух додан
  • А

  • 18 август 2017 20:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
???????????????????
Посух додан
  • Карим

  • 18 август 2017 20:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ҳақ бар ҷониби шумост бародар
Посух додан
  • Али

  • 19 август 2017 15:10
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Саломат бошед!
Посух додан
  • аы

  • 21 август 2017 11:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба тую маъракаи мардум дахолат кардан ин шармандагист. Касе зураш мерасад, бигзор базми пурдабдаба баропо намояд. касе надорад, пояшро ба кади курпааш дароз кунад. Хаети чамъияти моро ба менталитети мардуми кишлок нигох карда танзим намуда истодаанд. Дар кишлокчойхо хамин хел аст, ки агар хамсоя туи бодабдаба барпо намояд, дигарон аз бахили кафида (пеш аз хама занхо) бояд карзу фарз карда аз хамсоя пеш гузаранд. Чи кор дори бо маъракаи шахси дигар? Чаро дар мамолики гарб ин гуна рафтор вучуд надорад? Чунки дар он чо касе ба касе кор надорад. Гайр аз ин он мардум беакл нестанд, ки пулро барои худнамои сарф кунанд. Дар он чо обруи инсон на аз дороист, балки аз рафтори хамида аст.

Матолиби ҳамсон:

Бойгонӣ

«    Сентябр 2017    »
ДушСешЧорПанҶумШанЯкш
 123
45678910
11121314151617
18192021222324
252627282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!