Дархости Русия аз додгоҳи тоҷик: Хужина қасди бад надошт
Вазорати умури хориҷии Русия бо нашри як изҳорот дархости таъмини адолат дар қазияи додгоҳии шаҳрванди ин кишвар, Татяна Хужина кардааст, ки феълан дар Тоҷикистон идома дорад.
ВУХ-и Русия изҳори умед кардааст, ки додгоҳи Тоҷикистон бо назардошти баъзе ҳолатҳои сабуккунанда, ҷумла бори аввал содир кардани ҷиноят ва қасди баде надоштан, ҳукми одилона мебарорад.
Татяна Хужина, шаҳрванди Русия дар Тоҷикистон ба қочоқи тангаи қадимаи бароришаш соли 1823 муттаҳам шуда, моҳи июли соли ҷорӣ аз суи мақомоти тоҷик боздошт гардид.
Дар баёнияи Вазорати умури хориҷии Русия, ки 18 август нашр шуд, омадааст, ки аз замони муроҷиати Хужина ба Сафорати Русия дар Тоҷикистон, дипломатҳо равандро назорат карда, ҳамеша бо ӯ дар тамос будаанд ва кумакҳои заруриро мерасонанд. Вазорат гуфтааст, Татяна Хужина бо вакили дифоъ ва тарҷумон таъмин шудааст ва намояндаи сафорат дар ҳар ҷаласаи додгоҳ ширкат мекунад: “Ягон ҳуқуқвайронкунӣ ҳангоми ҷаласаҳои додгоҳӣ ба қайд гирифта нашудааст”.
Дар идомаи баёния омадааст, ин қазияи таваҷҷуҳи расонаҳои Русия ва тоҷикро ҷалб кардааст, ки ин бастагӣ дорад пеш аз ҳама ба қонунгузории Тоҷикистон, ки барои содир кардани чунин амал 10 соли зиндонро пешбинӣ мекунад: “Бояд қайд кард, ки бо баҳои коршиносон танга дар бозор 3-5 доллар арзиш дорад”.
Дар ҷаласаи рӯзи 18-ум август намояндаи додситонӣ аз додгоҳи ноҳияи Шоҳмансури пойтахт барои Татяна Хужина шаш соли зиндон талаб кардааст. Ҷаласаи дигари додгоҳӣ 21-уми август баргузор хоҳад шуд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |