Русский  >>  فارسی  >>  Душанбе 24 июн 2019, 18:13

Ҷанҷол баъди қоидавайронкунӣ: Ронандаи бегуноҳро зада кушт...

30 август 2017, 10:46

Вазорати умури дохилии Тоҷикистон мегӯяд, ҷанҷоли баъди қоидавайронкунӣ дар роҳи Душанбе-Хуҷанд бо марг анҷомид.

Тибқи иттилои Вазорати умури дохилӣ ҳодиса соати 9:30-и 28-уми август рух додааст: “Мошини “Опел-Зафира”, таҳти идораи шаҳрванд Раҳмонов Субҳонқул Ҳусейнович, соли таваллудаш 1989, сокини деҳаи Тагоби Хушекат, дар шоҳроҳи Душанбе-Хуҷанд-Чанок, ба самти муқобили роҳи автомашинаи тамғаи “Шанхи”, таҳти идораи Раззоқов Абдувоҳид соли таваллудаш 1988, сокини ҷамоати деҳоти Айнӣ баромадааст”.

Манбаъ мегӯяд, дар пайи ин миёни Фирдавс Нуров, сокини 38-солаи ҷамоати деҳоти Фондарёи ноҳияи Айнӣ, мусофири “Опел Зефира” ва Раззоқов, ронандаи автомашинаи “Шанхи” баҳсу мунозира рух додааст: “Зимни муноқиша Нуров қасдан бо даст ба рӯи Раззоқов зада, ҷароҳати вазнини ҷисмонӣ расонидааст. Дар натиҷа ҷабрдида санаи 29-уми август дар беморхона ба ҳалокат расидааст”.

ВКД афзуд, ки феълан Нуров бо иттиҳоми қасдан расондани зарари вазнини ҷисмонӣ боздошт шуда, тафтиши парвандаи ҷиноӣ аз рӯи ин ҳодиса идома дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!