Русский  >>  فارسی  >>  Ҷумъа 26 апрел 2019, 14:39

Душанбе: 91 сол-ҳабси 5 нафар баъди дуздии 10 "ДСП"

30 август 2017, 17:20

Додгоҳи шаҳри Душанбе 5 нафарро, ки аз хонаи як сокини Рӯдакӣ 5 тахтаи сохтмонии “ДСП” дуздиданд, ҷамъ ба 91 соли зиндон маҳкум кардааст.

Тибқи иттилои Додситонии кулли Тоҷикистон шаҳрвандон Маҳмадиев Ф.М., Маҳмудов Ҷ.Р. Тураев Б.Ю., Қуқанов М.Т. ва Самиев Д.И. “ДСП”-ҳоеро дуздидаанд, ки дар дохилашон беш аз 97 кило маводи мухаддири ҳашиш доштаанд: “Номбурдагон аз шаҳрванд Сафаров фаҳмидаанд, ки дар манзили истиқоматии Ҳикматов А., воқеъ дар ноҳияи Рӯдакӣ, ҷамоати деҳоти Гулистон, деҳаи Болошаҳр, 10 адад масолеҳи сохтмонии “ДСП” мавҷуд мебошанд, ки дар дохилашон 97.610,0 грамм воситаи нашъадори навъи ҳашиш доранд”.

Манбаъ афзуд, афроди номбурда дар пайи дарёфти иттилоъ моҳи ноябри соли 2016 шабона ғайриқонунӣ вориди манзили зикргардида шуда, 1 адад ва 12 январи соли 2017 дубора вориди он хона шуда, боқимонда 9 “ДСП”-и дигарро дуздидаанд: “Ашёи дуздидаро ба хонаи ба иҷора гирифтаашон, воқеъ дар ноҳияи Рўдакӣ, Ҷамоати деҳоти Чимтеппа, деҳаи Сомон интиқол дода, бо мақсади ба соҳибияти каси дигар додан ғайриқонунӣ нигоҳ доштаанд”.

Тибқи иттилои додситонӣ дар пайи як амалиёт 11-уми феврали соли равон муттаҳамон дастгир гардида, моҳи ҷорӣ бо қарори додгоҳ барои дуздию нашъаҷаллобӣ Маҳмадиев Ф.М. - 20 сол, Маҳмудов Ҷ.Р. – 19 сол, Тураев Б.Ю. - 18 солу 6 моҳ, Қуқанов М.Т. - 18 сол ва Самиев Д.И. – 16 сол аз озодӣ маҳрум гардиданд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!