Русский  >>  فارسی  >>  Сешанбе 20 феврал 2018, 12:36

Келин хушдоманашро барои хона оташ задааст...

5 сентябр 2017, 09:12

Дар шаҳри Тирмизи Узбакистон модари се фарзанд дар пайи як баҳси манзил модаршавҳари худро оташ задааст. Дар натиҷа пирзани 72-сола ба ҳалокат расидааст.

Писари 10-солаи ин зан низ осеб дида, дар беморхона бистарӣ шудааст. Ба гуфтаи шоҳидон, баҳси манзили келин бо хушдоманаш, ки 7 сол боз идома дошт, 14 август ба фоҷеа анҷомидааст. Ба гуфтаи яке аз ҳамсояҳои ин хонавода, келин бо се фарзанди худ ҳамроҳи модаршавҳараш дар як манзил зиндагӣ мекарданд.

"Шавҳари ӯ 10 сол мешавад, ки дар Русия аст. Хушдоман ба келин мегӯяд, ки ба ман туфайлихӯр лозим нест, се фарзандатро гиру аз хона рав. Вале ӯ мегӯяд, ин хонаи ман аст. Дар натиҷаи хашму ғазаб келин ба хона бензин пошида, онро оташ мезанад. Дар пайи оташ гирифтани хона пиразани 72-сола ба ҳалокат расида, 70%-и пӯсти писари 10-сола месӯзад", - гуфтааст ин ҳамсоя.

Як манбаъ дар мақомоти ҳифзи ҳуқуқи Узбакистон хабар дода, ки дар робита ба ин ҳодиса бо банди "куштор ва оташ задани барқасдона" парвандаи ҷиноӣ боз шудааст. Келин дар ин ҳодиса гумонбари аслӣ шумурда мешавад, чун шоҳидон тасдиқ кардаанд, ки хонаро маҳз ӯ оташ задааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Ali

  • 6 сентябр 2017 03:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Modarshavhar? O shart hast ki hamin ruznomanihoron boyad kalimahou navi bemaniro dar zaboni nobi Tojiki zam kunand? Xushdoman guftani gapi ba hamagon malum hast dar zaboni tojiki.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!