Русский  >>  فارسی  >>  Сешанбе 25 июн 2019, 12:33

ВКД: Маъмури истироҳатгоҳ ҷойи корашро ба фоҳишахона табдил додааст

5 сентябр 2017, 10:19

Вазорати умури дохилии Тоҷикистон аз боздошти корманди яке аз истироҳатгоҳҳои ноҳияи Варзоб хабар дод, ки дар ташкили фоҳишахона муттаҳам мешавад.

Тибқи иттилои ин ниҳод, гумонбаршуда 4 сентябр дар пайи гузаронидани чорабиниҳои оперативӣ-ҷустуҷӯӣ дастгир шудааст. Ба иттилои манбаъ, ӯ шаби 3 ба 4 сентябр, тахминан соати 00:30, истироҳатгоҳеро, ки он ҷо кор мекардааст, ба фоҳишахона табдил додааст: “Ӯ ба шаҳрвандон: марди 48-сола ва зани 36-сола, сокинони шаҳри Душанбе, марди 53-солаи сокини ноҳияи Рӯдакӣ ва зани 38-солаи сокини шаҳри Душанбе барои алоқаи ҷинсӣ намудан шароит фароҳам оварда, аз онҳо 700 сомонӣ мукофотпулӣ гирифтааст”.

Вазорати умури дохилӣ мегӯяд, нисбати гумонбаршуда парвандаи ҷиноятӣ оғоз гардида, тафтишот идома дорад.

Оғози парванди ҷиноӣ нисбати ин корманди истироҳатгоҳ дар ҳолест, ки ВКД санаи 16 август аз боздошти як маъмури 42-солаи яке аз маҷмааҳои сайёҳии ноҳияи Варзоб бо иттиҳоми ташкил ва нигоҳдошти фоҳишахона хабар дода буд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба фикри шумо дар дигар истироҳатгоҳҳо бо чӣ кор машғуланд? Айнан бо ҳамин корҳо!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!