Русский  >>  فارسی  >>  Ҷумъа 14 декабр 2018, 00:14

Даъват ба терроризм. Шаҳрванди Тоҷикистонро 7 соли зиндон таҳдид мекунад

6 сентябр 2017, 09:18

Дар Русия як шаҳрванди Тоҷикистон бо иттиҳоми даъвати оммавӣ ба терроризм боздошт шудааст. Дар сурати исботи ин ҷурм ӯро 7 соли маҳрумият аз озодӣ интизор аст.

Дафтари матбуоти Раёсати тафтишотии Русия дар Удмуртия мегӯяд, ин мард дар шабакаи иҷтимоии “ВКонтакте” паёмҳое нашр кардааст, ки хусусияти ифротгароӣ доранд. Бар илова, ӯро дар ҷалби як ошнояш барои рафтан ба Сурия гумонбар медонанд: “Худи вай қасд доштааст ба кишварҳои Ховари Миёна рафта, дар ҷабҳаи террористон биҷангад”.

Ба иттилои манбаъ, ин шаҳрванди Тоҷикистон 27 июли соли равон аз ҷониби кормандони пулис дастгир шуда ба шӯъбаи тафтишотии ноҳияи Устинов оварда шудааст: “Дар ҷараёни пурсиш талош кардааст, фирор кунад, аммо кормандони СОБР боздошташ кардаанд”.

Баррасии парвандаи ҷиноии ӯ анҷом ёфта, ба додгоҳ фиристода шудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!