Русский  >>  فارسی  >>  Сешанбе 25 июн 2019, 15:21

Дабири кулли СММ хостори пайдо кардани роҳҳали қазияи Мянмар шуд

6 сентябр 2017, 15:41

Антонио Гутерреш, дабири кулли Созмони миллали муттаҳид бо ирсоли як номаи расмӣ унвонии Шӯрои амният аз хушунат дар Мянмар изҳори нигаронӣ кардааст.

Дар ин нома гуфта мешавад, дар мавриди аз сӯи неруҳои амниятии Мянмар мавриди хушунату озор қарор гирифтани мусалмонон пайваста хабар мерасад. “Дигар интизор шудан мумкин нест, бояд ҳар чи зудтар нақшаи муассири ҳалли ин мушкил таҳия шавад. Хеле муҳим аст, ки ба мусалмонони иёлаи Ракхайн шаҳрвандӣ ва ё мақоми ҳуқуқии муваққатӣ дода шавад, то тавонанд зиндагии ором дошта бошанд”,-омадааст дар мактуби дабири кулли СММ.

Бино ба хабари расонаҳо, шурӯъ аз 25 август, беш аз 125 ҳазор мусалмони роҳинҷаи Мянмар маҷбур шудаанд ба кишвари ҳамсояи Бангладеш паноҳ баранд. То ин дам аз кушта шудани 400 нафар хабар дода мешавад. Бар асоси гузоришҳо, мусалмонони Мянмар аз сӯи неруҳои давлатӣ ба таври бераҳмона озору шиканҷа мешаванд.

Дар Мянмар (номи қаблиаш Бирма) асосан будпарастон ба сар мебаранд. Ҳукумати ин кишвар қабилаи Роҳинҷаро, ки мусалмон ҳастанд, сокини бумӣ намедонад ва аз додани шаҳрвандӣ ба онҳо худдорӣ мекунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!