Русский  >>  فارسی  >>  Чоршанбе 20 сентябр 2017, 01:32

Пурсиш: Баъди ҷаласаи солонаи Варшава қазияи Тоҷикистону САҲА бо чӣ меанҷомад?

13 сентябр 2017, 09:20

Чанд рӯз пештар хабаргузории давлатии “Ховар” навишт, дар сурати ба конфронси САҲА даъват шудани фаъолони ҳизби мамнӯи наҳзати исломӣ эҳтимоли қатъ шудани намояндагии ин созмон дар Тоҷикистон мавҷуд аст: “Агар имсол ҳам муносибати САҲА бо ташкилоти террористӣ-экстремистии ҲНИТ такрор ёбад, пас пурра аз фаъолият мондани намояндагии САҲА дар Тоҷикистон ҷавоби муносибу мувофиқ ба амалҳои он хоҳад буд”. Аммо рӯзи гузашта, Муҳиддин Кабирӣ, раиси ҳизби дар Тоҷикистон мамнуи наҳзати исломӣ на танҳо дар ҷаласаи марбут ба ҳуқуқи инсони САҲА дар Варшава суханронӣ кард, балки як нишастеро ҳам гардонандагӣ намуд. Ҳамчунин як гуруҳ аз мухолифони ҳукумати Тоҷикистон дар назди бинои САҲА дар Варшава гирдиҳамоӣ карданд. “Озодагон” аз чанд соҳибназар ва коршиноси тоҷик пурсид: БАЪДИ ҶАЛАСАИ СОЛОНАИ ВАРШАВА ҚАЗИЯИ ТОҶИКИСТОНУ САҲА БО ЧӢ МЕАНҶОМАД?


Нуралӣ ДАВЛАТОВ, таҳлилгар

Баъди хатми ҷанги шаҳрвандӣ дар Тоҷикистон ва мӯътадил шудани вазъ Созмони амният ва ҳамкории Аврупо (САҲА) дар масъалаи ҳимояи ҳуқуқи инсон ва озодии сухан, коре анҷом надод. Баъзе изҳоротҳое, ки пахш мекард, таъсире надоштанд. Ин созмон дигар он созмоне нест, ки соли 1975 ташкил ёфт.

Алӣ АЛИЗОД, коршинос

Тоҷикистон дар худии худ як давлати пешгӯинашаванда бо сиёсатҳои пешгӯинашаванда аст. Аз ин рӯ, ин ҷо ҳар чизе метавонад иттифоқ биуфтад. Истисно намедонам, ки масъала ба ҳадди ниҳоӣ бирасаду дафтари САҲА-ро бибанданд ва ё ҳамин тур бигузоранд, ки гӯё чизе сурат нагирифтааст.

Нуриддин ҚАРШИБОЕВ, раиси Анҷумани расонаҳои мустақили Тоҷикистон

Эҳтимоли муташанниҷ гаштани муносибати Тоҷикистону САҲА вуҷуд дорад, вале кор то бастани дафтари ин созмон дар Душанбе намерасад. Ба андешаи ман, аз ҳузур пайдо кардани мухолифин дар ин ҷаласа фоҷеа сохтан лозим нест, балки Ҳукумати Тоҷикистон ба ин зуҳурот бо таҳаммул муносибат карда, бояд аз дипломатия кор бигирад.

Абдулло ДАВЛАТОВ, раҳбари Иттиҳоди тоҷикони Русия

Аллакай дар шабакаҳои иҷтимоӣ шухӣ мекунанд, ки солҳои бепулии навадум ҳукумат дасти тамаъ сӯи Аврупо дошт ва ҳарчӣ мегуфтанд, мебардошт. Ҳозир Чин ҳаст - дигар Аврупову Русия лозим нестанд. Чунин шухиҳо заминаи воқеӣ доранд. Пас, қазия бо он анҷом меёбад, ки кафши САҲА пеши пояшон гузошта мешавад.

Хурсанд ХУРРАМОВ, коршиноси масоили сиёсӣ

Ман гуфта наметавонам, ки барои САҲА конфронс бо чӣ меанҷомад, чун ҳамоиш то 22 сентябр идома меёбад ва ҳама чиз аз натиҷаи он вобаста хоҳад буд. Дар матлаби “Ховар” таъкид ба баромади Кабирӣ ва ҲНИТ дар ҳамоиш шуда буд. Бояд гӯям, ки САҲА дар як вазъи ногувор қарор дорад, зеро аз як ҷониб намехоҳад мавқеашро дар Тоҷикистон аз даст бидиҳад, аммо аз ҷониби дигар наметавонад теъдоди зиёди одамонро нодида бигирад, ки аз нақзи ҳуқуқу озодиҳояшон шикоят мекунанд.

Шокирҷон ҲАКИМОВ, ҳуқуқшинос

Гумон намекунам, ки Тоҷикистон фаъолияти дафтари САҲА-ро дар Душанбе бо назардошти тағйиротҳое, ки дар ваколоту салоҳияти он ба мувофиқа расидаанд, бозбинӣ кунад. Чун ба ҳар ҳол Бюро оид ба институтҳои демократӣ ва ҳуқуқи инсон ба таври расмӣ аз даъват кардани намояндагони мухолифини тоҷик дар хориҷи кишвар худдорӣ карданд, агар онҳо дар беруни бино эътироз карданд ва чанд нафарашон вориди толор шудаанд, ин аз воқеияти фаъолияти ин созмон гувоҳӣ медиҳад ва дарҳои созмони мазкур бо дарназардошти рисолате ки дорад барои ниҳодҳои мухталифи давлатӣ ва ғайридавлатӣ ҳамеша боз аст ва ин фурсати хеле муносиб барои барраси масъалаҳои мубрам мебошад. Мувофиқи мақсад мебуд, ки намояндагони ҳизбҳои ба таври расмӣ дар Тоҷикистон фаъолиятдошта, ба хусус Ҳизби сотсиал-демократи Тоҷикистонро, ки новосбата аз монеаву мушкилиҳои зиёд фаъолияташ дар кишвар идома дорад, ба ин нишаст даъват мекарданд.

Рустам ГУЛОВ, блогер

Аз ҷиҳати мантиқ бигирем, тамоми ин таҳдидҳо оид ба баста шудани Дафтари САҲА дар Тоҷикистон аз таҳдид зиёд нахоҳад буд, чунки Ҳукумати Тоҷикистон дар давоми солҳои фаъолияти ин ташкилот дар кишвар ёрии зиёд гирифтааст. Аз ҷумла дар шакли грантҳои ҳангуфт. Аммо ба ҳақиқати ҳол нигарем, арзишҳое, ки САҲА пайгирӣ мекунад, ба ӯ набояд имкон диҳанд, ки ултиматуми ҳукуматро қабул кунад ва эҳтимолияти зиёд аст, ки дафтари онҳо билохира баста мешавад. Аз ин зиёдтар гуфта намешавад.


Шарҳи худро бинависед:

Ном:*
E-Mail:
Матни шарҳ:
Посух додан
  • Ватандуст

  • 13 сентябр 2017 21:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар хакикат ин САХА ва дигар созмонхое, ки гуруххо ва ташкилотхои террористию экстремистиро дастгири мекунанду дар нишастхои худ намояндагони хизбхои террористиро рох медиханд умуман аз худуди Точикистон рондан даркор, хамзамон дар тамоми дунё бояд нагузошт, ки чунин созмонхои байналмиллали ба чунин хатогихо рох дихад!! Ба хамагон маълум аст, ки ХНИ кайхо хизби террористи эълон шудааст, барои чи рохибари террористон Кабири, хоини миллати точик дар ин нишастхо бе мамоният ширкат меварзад???
Посух додан
  • Мухиб

  • 13 сентябр 2017 22:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман хамчун як шахрвандони оддии Чумхурии Точикистон аз тероррист будан ва ташкилоти терорристї эълон гардидани ХНИТ ягон шубха надорам. Симои воќеии инхо дар якчанд соли охир равшан шуд ва инро хама медонанд.
Посух додан
  • Студент

  • 13 сентябр 2017 23:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дигар мо ба Кабири бовар надорем. Агар сад сол худро боинсофу гамхори ислом нишон дихад хам фоида радорад. Дидем хосили мехнати хизбашро ки кариб Точикистонро боз ба чанги солхои 90-ум кашонад бо Хочи Халиму дигар ватанфурушони ба мисли худаш!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Руи роост маълум аст, кишвархои хоричи Хнит ва Кабириро пуштибони мекунанд

Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухиддин Кабири бехтар мешуд, ки касбашро дигар кунад, чунки касби тичорати ба у омад накарда истодааст.
Посух додан
  • Рустами Достон

  • 14 сентябр 2017 10:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар шумо ба корхои бењудаву нодаркор машгул намешудед, ба ин њолат гирифтор намегаштед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамкории САХА бо Чумхурии Точикистон аз рузхои аввали кориаш нияташ хам хуб набуд. Баъди чандин солхо маълум шуд ки танхо нияти хамкори САХА бахри ноороми ватани азизамон будааст.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
озодагон ба шумо чи гап шуд? ку озодии баен ? минбари фабрикаи чавоб шудедми..ОБСЕ Е САХА кандата хур. Ягона ташкилоте, ки фаред шунави мардум гаштааст!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мантикан танхо як чиз аён аст ,ки бо ин гуна шахсиятхо хеч созмони бонуфуз равобити дустонаи худро нахохад баст
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мо борхо шохиди он гаштем, ки ташкилотхои байналмиллали махсусан чомеи шахрванди чи гуна бо мардум муносибат мекарданд. Чомеаи шахрванди кучоро менигарад акнун бубинад, ки чи гуна дар саросари чахон терроризму экстремизм рушд намуда истодааст. Чомеаи шахрванди мегуяд шумо ба акаи намекиро хукукашро поймол накунед. Акаи намеки дар Аврупо ва дигар давлатхо дар лагерхои террористи таълим гирифта дар тамомоми дунё таркишхоро ба вучуд оварда истодаанд. Сагеро хуни дил додам, ки бо ман ошно гардад надонистам, ки саг хун мехурад хунхор мегардад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Давидани гусола то кахдон
Посух додан
  • Ифтихор аз Рашт

  • 15 сентябр 2017 09:53
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
гумон мекунам максади онхо факат як чиз ин дарёфти панохгох ва гирифтани унвони гуреза дар аврупо аст, дигар хеч, чунки онхо яъе аъзои гурухи бо ном "24" ва Кабири хуб медонанд ахолии Точикистон хамаи умедашонро аз онхо кандаанд. Дар Точикистон барои онхо чой нест инро хеле хуб медонанд.

Матолиби ҳамсон:

Бойгонӣ

«    Сентябр 2017    »
ДушСешЧорПанҶумШанЯкш
 123
45678910
11121314151617
18192021222324
252627282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!