Русский  >>  فارسی  >>  Сешанбе 25 июн 2019, 13:06

Р.Эмомалӣ аз милисаҳо хост, алайҳи саркашҳо аз хидмат чора андешанд

18 сентябр 2017, 09:13

Рустами Эмомалӣ, шаҳрдори Душанбе милисаҳоро муваззаф намудааст, ки алайҳи саркашҳо аз хидмати ҳарбӣ дар пойтахт чораандешӣ кунанд.

Тибқи иттилои дафтари матбуоти шаҳрдорӣ, Рустами Эмомалӣ бо имзои як қарор дар бораи даъвати навбатии шаҳрвандони солҳои таваллуди 1990-1999 ба хизмати ҳарбӣ, масъулинро муваззаф кардааст, ки барои ташкили «Рӯзи даъватшаванда», тарғибу ташвиқи хизмати ҳарбӣ ва муқаррароти конститутсионӣ дар бораи вазифаҳои муқаддаси шаҳрванд оид ба ҳифзи Ватан тадбирҳо андешанд: “Даъватшавандаҳоро ба таври тантанавӣ гусел намуда, ҳар даҳрӯза ба ҳукумати шаҳри Душанбе ҳисобот диҳанд”.

Шаҳрдорӣ мақомоти милисаи пойтахтро муваззаф кардааст, ки ба комиссариатҳои ҳарбии ноҳияҳои шаҳри Душанбе ҷиҳати таъмини ҳозиршавии даъватшавандагон ба нуқтаҳои даъватӣ кӯмак расонанд: “Нисбати шахсоне, ки аз даъват ба хизмати ҳарбӣ саркашӣ мекунанд, корҳои лозимии пешгириро амалӣ намуда, ҳозиршавии онҳоро таъмин намоянд. Тартиботи ҷамъиятиро дар рӯзҳои даъват ва гусели даъватшавандагон ба қисмҳои ҳарбӣ таъмин намоянд”.

Даъвати тирамоҳии наваскарон дар кишвар моҳҳои октябр-ноябр идома хоҳад дошт.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!