Русский  >>  فارسی  >>  Панҷшанбе 25 апрел 2019, 00:45

Ҳукумат: Нархи барқ барои ТАЛКО қимат намешавад

19 сентябр 2017, 09:53

Ҳукумати Тоҷикистон бо тасдиқи болоравии нархи барқ аз 1-уми октябр таъкид намудааст, ки болобарии нархи барқ нисбати ТАЛКО татбиқ намешавад.

Ширкати алюмнийи тоҷик, “ТАЛКО”, ки қисми зиёди барқи тавлиди кишварро бо нархи арзонтар аз аҳолӣ мегираду феълан калонтарин корхонаи қарздор аз барқ мебошад, тибқи иттилои масъулини “Барқи тоҷик” ҳоло 1 киловат нерӯи барқро дар фасли тобистон бо нархи 7,2 дирам ва дар фасли зимистон 11,8 дирам мехарад.

Ин дар ҳолест, ки тибқи иттилои “Барқи тоҷик” арзиши аслии миёнаи ҳар киловат нерӯи барқ тайи нимсолаи гузашта ҳудуди 12,9 дирамро ташкил дод ва барқ ба калонтарин корхонаи истеъмолкунандаи барқ арзонтар аз арзиши аслии он фурӯхта мешавад.

Вазорати энергетика ва захираҳои оби Тоҷикистон дар ҷамъбасти нимсолаи аввали соли равон иттилоъ дод, ки ТАЛКО аз барқ 437,3 миллион сомонӣ қарздор мебошад.

Ахиран “Барқи тоҷик” эълон кард, ки аз 1 октябри соли 2017 дар қаламрави кишвар нархи ҳар киловатт нерӯи барқ барои тамоми категорияҳои истифодабарандагон ба ҳисоби миёна 15 фоиз зиёд мегардад: “Баландшавии нарх барои аҳолӣ сатҳист; пеш ин гурӯҳи истифодабарандагон барои ҳар кВт.соат 14,65 дирам маблағ пардохт менамуданд, акнун нархи ҳар киловатт.соат 16,85 дирамро ташкил медиҳад. Яъне, нархи ҳар киловатт.соат барои аҳоли ҳамагӣ 2,2 дирам боло рафт".

«Барқи тоҷик” таъкид намуд, ки тағйироти нарх ба гурӯҳи камбизоати ҷомеа таъсир намерасонад, чунки маблағи онҳо аз тарафи ҳукумати Тоҷикистон ҷуброн мегардад: “Алҳол аз муштариёни гиромӣ хоҳиш карда мешавад, ки ба хотири пайдо нашудани нофаҳмиҳо дар ҳисобу китоб ҳаққи барқи то 1 октябри соли 2017 истифодашударо сари вақт ва пурра пардохт намоянд”.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ТАЛКО 7,2 дирам,барои МАСҶИД 35дирам!!!!!!!!!??????
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз бачои зиндагии мардумо тинчтару осонтар кунанд, руз ба руз зидагии мардума киматтару сахттар карда истодаанд, кандотона зане
Посух додан
  • Хайрон

  • 19 сентябр 2017 11:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Абача ин чи гап аст? Айба намедонен?
Посух додан
  • барк

  • 19 сентябр 2017 15:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барои ТАЛКО арзон, акалан шарх дихед, ки барои чи? то мардум фахманд

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!