Русский  >>  فارسی  >>  Ҷумъа 24 ноябр 2017, 10:39

(ВИДЕО) Як бознишастаи Тоҷикистон: Бӯи гӯштро фаромӯш кардаем

20 сентябр 2017, 16:18

Як бознишастаи тоторитабори муқими Тоҷикистон мегӯяд, нафақааш ҳамагӣ барои як ҳафта мерасад.

Ба гуфтаи Тазкира Арслановаи 79-солаи тоторитабор, ки дар Тоҷикистон таваллуд шудааст, агар нафақаашро ба сӣ рӯз тақсим кунад, рӯзе 10 сомонӣ рост меояд. Ва баъди пардохти пули хизматрасонии обу барқу партов барои зиндагӣ қариб чизе боқӣ намемонад.

Хонум Арсланова дар як суҳбат бо “Озодагон” гуфт, дар Тоҷикистон ба дунё омада ва 24 сол таҳсил намуда, 41 сол дар чанд вазорату идораҳои давлатӣ кор кардааст. Ӯ мегӯяд, хоҳиши ягонааш ин аст, ки ҳаҷми нафақа каме бештар шавад, то зиндагиашро беҳтар кунад: “Хурсандем, ки Тоҷикистон обод аст ва тинҷиву оромӣ ҳукмфармост. Танҳо имкон бошад, нафақаро зиёдтар кунанд. Одамони калонсолро камтар фаромӯш кардаанд. Мо ҳам дар ҳамин Ватан таваллуд шудаем ва ҳаминҷо ба хидмати мардум будем. Дар пирӣ ҳама мехоҳад, ки мева бихарад, аммо мо имкон надорем. Бӯи гӯштро бошад, ҳатто фаромӯш кардаем”.

Ба гуфтаи Тазкира Арсланова волидони ӯ дар Тотористон ба дунё омада, замони шуравӣ ба шаҳраки Шайдони ноҳияи Ашти Тоҷикистон кӯчидаанд: “Баъди хатми мактаби миёна таҳсилро дар як омӯзишгоҳ дар Хуҷанд идома додам ва баъдан дар Русия хондам. Он замон хело вазнин буд, зеро падарамро аз даст дода будем. Баъди таҳсил дубора ба Тоҷикистон баргаштам ва дар вазорату идораҳо кор кардам. Соли 1991 ҳама русзабонҳо кӯчида рафтанд, аммо ман нарафтам. Гуфтам ба ягон ҷой намеравам, ин ҷо Ватани ман ҳаст”.



Вай мегӯяд, охири солҳои ба нафақа баромаданаш (1991-1992) дар Академияи илмҳо ба ҳайси иқтисодчӣ кор мекард ва маоши хуб ҳам мегирифт: “Баъди ба нафақа баромадан 15 сол дар ягон идора кор накардам. Компоту салат карда, дар бозори “Саховат” мефурӯхтаму рӯзамонро мегузаронидем. Соли 2009 шартномавӣ дар Донишгоҳи тиҷорат дарс гирифтам, он ҷо 8 сол кор кардам. То соли 2007 нафақаам 67 сомонӣ буд, ахиран 323 сомонӣ шуд”.

Ӯ мегӯяд, ҳоло бо духтараш ки дар гузашта корманди ВКД буда, баъди ҷароҳат бардоштан дар даврони ҷанги шаҳрвандӣ нафақагир шуд, зиндагӣ дорад: “Духтарам ду маълумот дорад. Ҳоло нафақааш дар як рӯз 8 сомониро ташкил медиҳад”.

Тазкира Арсланова афзуд, ҳоло барои пешбурди рӯзгораш гулпарварӣ мекунад ва онҳоро дар бозор мефурӯшад.


Шарҳи худро бинависед:

Ном:*
E-Mail:
Матни шарҳ:
Посух додан
  • Мавлюда

  • 20 сентябр 2017 17:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар хакикат барои нафакахурхо чудо хам кин шуд, ман хам ки нафакахур хастам мачбур то холо кор кунам чунки нафакаам ба пули свету об комунали базур мерасад . Нафакахурхо ягон имтиез надоранд. Ман аз соли 1969 то холо кор мекунам . Тазкира ман Шуморо нагз мефахмам.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хуб мешуд адрессшам менавистен...хастан одамои саховатманду савобчу шояд касе кумак кунад .
Посух додан
  • д

  • 21 сентябр 2017 07:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Саги куча дар Точикистон аз инсон дида кадраш зиедтар аст.
Посух додан
  • Сухроб

  • 21 сентябр 2017 13:23
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
нафакаи ман якрузба 5 сомон аст харду пойям нест дастам часпида сутунмухрам каме баромада бо нуксони модарзоди лекин давлат барои ман дар якмох 150 сомон мукарар кардааст дигар ягон имтиёз надорам пули камунали свет об налог садфоиза месупорам болои ин 2 фарзанд дорам як линча орд 150 сомон ин 150 сомони пенсара орд харам пули свет об мусур налог супорам чикоркунам чи сабаб бошад ки нисбати маъюбони нуксони модарзи дошта чунин нафакаи кам таин мекунанд охир онхо чунин ба дунё омадан вайхо баркасдона нашудан ё дар зиндаги нашуданд ку мислеки мошинзада бошад ё свет ё дигар касалихоки сабаби маъюб шудан мебошад.Чаро шахсонеки баъдан маъюб мешаван онхо нисбати шахсони модарзод зиёд нафака мегиранд ва имтиёзои ешон бисёртар аст бойяд вазорати масул ба ин масъала бойяд дикат дихад озодагон чоп кун илтимос
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
на танхо нафакахурон буи гуштро фаромуш кардаанд. мо ичоранишинхоям фаромуш кардаем. Масалан ман маоши мегирифтаамро пули ичора, садик, карзи бонк медихам. Бокимондааш то охири мох базур мерасад ва ё вакти дигар карздор хам мешавам. Лекин одам шукрона бояд кунад. Точикистон тинчу осуда аст иншоллох шукр куни хамамаш мешавад.

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!