Русский  >>  فارسی  >>  Ҷумъа 24 ноябр 2017, 10:39

Р.Эмомалӣ гулгашти 7,8 миллиониро ифтитоҳ кард (АКС)

20 сентябр 2017, 18:12

Рустами Эмомалӣ, раиси Душанбе шоми 19-уми сентябр пули роҳи оҳан ва автомобилгарди воқеъ дар бурриши кӯчаи Моёншо Назаршоев ва Аҳмади Донишро, ки аз ҷониби КВД «Роҳи оҳани Тоҷикистон» азнавсозӣ шуд, ба истифода дод.

Тибқи иттилои дафтари матбуоти шаҳрдорӣ маблағи умумии таҷдиди пул беш аз як миллиону чорсад ҳазор сомониро ташкил медиҳад: “Бо навсозӣ гардидани пули роҳи оҳан ва автомобилгард ин мавзеъ чароғон гардида, роҳҳои пиёдагарди ду ҷониби кӯчаи Аҳамди Дониш, бозсозӣ ва барои равуоӣ сокинон мувофиқ гардонда шудааст”.

Инчунин раиси Душанбе гулгашти бозсозишуда аз назди Истгоҳи Роҳи оҳан то маҷмааи меъмории муҷассамаи Садриддин Айнӣ, воқеъ дар хиёбони Рӯдакӣ мавриди баҳрабардорӣ қарор дода шуд: “Гулгашти мазкур аз ҷониби Корхонаи воҳиди давлатии «Роҳи оҳани Тоҷикистон» пурра азнавсозӣ гардида, он дар масоҳати наздики 14 ҳазор метри мураббаъ доман паҳн кардааст. Маблағи умумии лоиҳа 7,8 миллон сомониро дар бар мегирад”.

Дафтари матбуоти шаҳрдорӣ аз қавли масъулин афзуд, ки дар ҳудуди гулгашт фавораҳои ҳаракаткунанда бо мусиқӣ ва таҷҳизоти равшанидиҳанда сохта шудаанд: “4 фаввора, ки қаблан дар ҳолати ногувор қарор доштанд, таҷдид ёфта, пурра аз сангҳои мармар ва хоро дар масоҳати 1350 метри мураббаъ ороиш дода шудаанд. Худи фавораҳои гулгашт бо чароғакҳои рангин насбу васл шуда, тавассути барномаи махсус идора карда мешаванд”.

Манбаъ илова намуд, ки дар боғи мазкур барои 650 нафар ҷойи нишаст омода гашта, 40 баландгӯяк, ки бо хати радиоӣ пайваст мебошанд, ба истироҳаткунандагон хизмат мерасонанд: “Гулгашти мазкур аз пасманзари муҷассамаи Садриддин Айнӣ то бурриши кӯчаи Моёншо Назаршоев бо Хиёбони Рӯдакӣ дар масофаи 400 метр тӯл мекашад ва аз ду ҷониби бо панҷараҳои мунаққаши гулдор оро дода шудаанд”.


Р.Эмомалӣ гулгашти 7,8 миллиониро ифтитоҳ кард (АКС)

Р.Эмомалӣ гулгашти 7,8 миллиониро ифтитоҳ кард (АКС)

Р.Эмомалӣ гулгашти 7,8 миллиониро ифтитоҳ кард (АКС)


Шарҳи худро бинависед:

Ном:*
E-Mail:
Матни шарҳ:
Посух додан
  • Smart

  • 20 сентябр 2017 20:16
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз ин пешравиҳо дар пойтахт ва муосирсозии шаҳр кас ифтихор мекунад. Аммо ҳамон вагон-мактаби ноҳияи Ҳисор тақдираш номаълум мемонад.

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!