Русский  >>  فارسی  >>  Ҷумъа 24 ноябр 2017, 10:40

АКС: Ёде аз Даврон Ғуфронов, хабарнигор ва шореҳи варзишӣ

25 сентябр 2017, 15:50

Имрӯз, 25 сентябр дар саҳни Муҷтамаи табъу нашри “Шарқи озод” аз хабарнигор ва шореҳи варзишӣ Даврон Ғуфронов ёд карда шуд.

Даврон субҳи якшанбеи 24 сентябр дар 44-солагӣ бар асри бемории сактаи мағзӣ дар беморхонаи Қарияи боло даргузашт.

Гуруҳе аз журналистон ва кормандони “Шарқи озод” аз равоншод Даврон Ғуфрон бо некӣ ёд карда, аз Худованд барояш биҳишти барринро орзу карданд.

Даврон Ғуфронов чанд вақти ахир аз бемории ихтилоли шадиди асаб ранҷ мебурд. Талоши муштараки хонаводаи марҳум бо ҷамъи аз ҳамкасбон барои табобати эшон дар баробари марг оҷиз омад.

Даврон Ғуфронов соли 1973 дар шаҳри Душанбе таваллуд шудааст. Мактаби миёнаи рақами 54-и шаҳри Душанберо хатм намуда, солҳои 1990-1995 донишҷӯйи факултаи забони русиву инглисии Донишкадаи давлатии забонҳои Тоҷикистон буд. Баъди хатми донишкада дар Ҷамъияти Ҳилоли Аҳмар ба ҳайси тарҷумон ва масъули матбуотӣ кор кардааст. Баъдан, дар Идораи барномаҳои мусиқии Радиои Тоҷикистон фаъолият намуда, бо таъсиси шабакаи “Садои Душанбе” фаъоляити худро дар бахши русии ин шабака идома додааст.

Фаъолияти минбаъдаи Даврон Ғуфронов дар Гуруҳи расонаҳои “Азия-плюс” сурат гирифт. Ӯ солиёни дароз шореҳи варзишии ин ширкати расонаӣ буд. Аз соли 2015 то поёни умр шореҳи варзишии Гуруҳи расонаҳои “Озодагон” буд. Ҳамкасби гиромии мо хонадор ва соҳиби як фарзанд буд.

Даврон Ғуфронов бо ахлоқи шоистаи инсониву корӣ ва шахсияти фурӯтану хоксори худ дар миёни ҳамкасбону ҳамкорон мақоми арзишманде дошт ва ҷамъи ҳамкорону ҳамкасбон хотираи неки ӯро барои ҳамеша гиромӣ медоранд ва аз Худованди кариму меҳрабон барои ӯ биҳишти барринро тақозо доранд.

Ҷоят ҷаннат ва хотираат ҷовидон бод, ҳамкасб ва ҳамкори азиз!

АКС: Ёде аз Даврон Ғуфронов, хабарнигор ва шореҳи варзишӣ

АКС: Ёде аз Даврон Ғуфронов, хабарнигор ва шореҳи варзишӣ

АКС: Ёде аз Даврон Ғуфронов, хабарнигор ва шореҳи варзишӣ

АКС: Ёде аз Даврон Ғуфронов, хабарнигор ва шореҳи варзишӣ

АКС: Ёде аз Даврон Ғуфронов, хабарнигор ва шореҳи варзишӣ


Шарҳи худро бинависед:

Ном:*
E-Mail:
Матни шарҳ:
Посух додан
  • Фируз

  • 25 сентябр 2017 15:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хочи Иршод омадай ку! Худованд акаи Даврона магфират кунад!
Посух додан
  • Ҳоҷӣ

  • 25 сентябр 2017 16:05
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Раҳматӣ дар газетаи "Тоҷикистон" низ як муддат кор карда буд. Ҷавони хубе буд, Худо раҳматаш кунад.Омин.
Посух додан
  • Абубакр

  • 25 сентябр 2017 17:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман низ дар баробари он журналистоне, ки хамкасби худро гум кардаанд хамрох шуда аз даргохи иллохи сабри чамил ба ахлу оилаии мархум тамано дорам. Худо рахматаш кунад чояш чаннат бошад.Омин.

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!