Русский  >>  فارسی  >>  Сешанбе 20 феврал 2018, 12:36

Варзишгарони тоҷик дар Ашқобод 3 медали тиллоро ба гардан овехтанд

25 сентябр 2017, 18:59

Се варзишгари тоҷик дар мусобиқаи Бозиҳои Осиё дар толорҳо ва ҳунарҳои размӣ, ки дар Ашқободи Туркманистон ҷараён дорад, соҳиби медали тилло шуданд.

Ба иттилои Кумитаи миллии олимпии Тоҷикистон 25 сентябр, дар рӯзи даҳуми 5-умин Бозиҳои Осиё варзишгарони тоҷик се нишони тилло ба даст овардаанд. Акмалиддин Каримов дар вазни -57 кг ва Беҳрӯз Хоҷазода дар вазни -74 кг дар риштаи самбо мақоми аввалро соҳиб шуда, нишони тиллои мусобиқаро ба гардан овехтанд: "Акмалиддин нахуст Раҳматҷон Ахмедови узбекистониро бо ҳисоби 9:0 шикаст дод. Сипас, варзишгари мизбон Карим Аллануровро бо ҳисоби 4:2 мағлуб кард. Дар нимфинал бар варзишгари қирғиз Белек Бараканов ва дар финал бар варзишгари Муғулистон Марал-Ердана Чимедорҷ пирӯз шуд. Беҳрӯз аввал бар Ҷасим Ҳамид (Ироқ), сипас бар Роҳат Башимов (Туркманистон), баъдан Галимжан Абдрахманов (Қазоқистон) ва дар финал варзишгари дигари тоҷик Мубориз Мунавваровро мағлуб кард”.


Миҷгона Самадова дар намуди кикбоксинг соҳиби медали тилло шуд. Ӯ дар вазни -60 кг, намуди “Kick Light” рақобатро аз чорякфинал оғоз кард. Нахуст бар варзишгари мизбон Майса Гупбикова, баъдан бар Зайнаб Ҷабборӣ (Эрон) ва дар финал бар варзишгари дигари мизбон Гулзада Ҷорақулиева дастболо шуд.

Варзишгарони тоҷик рӯзи гузашта ҳамчунин як медали нуқра ва 3 биринҷӣ гирифтанд. Медали нуқраро Мубориз Мунавваров дар вазни -74 кг (самбо) сазовор гашт. Фаридун Одилов дар самбои ҳарбӣ (-82 кг), Сиёвуш Ибрагимов (-69 кг) ва Далер Тураев (-79 кг) дар намуди кикбоксинг бо соҳиби медалҳои биринҷӣ гардиданд.

Тоҷикистон то имрӯз дар Бозиҳои Осиё соҳиби 3 медали тилло, 11 нуқра ва 31 биринҷӣ гаштааст.



Шарҳи худро бинависед:

Ном:*
E-Mail:
Матни шарҳ:
Посух додан
  • али

  • 25 сентябр 2017 20:58
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ба пеш Точикистон
Посух додан
  • Саид

  • 26 сентябр 2017 05:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Акмалидин Каримов дар риштаи самбо аст. Озодагон мутит накунед

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!