Русский  >>  فارسی  >>  Душанбе 17 июн 2019, 22:34

Ҳалокати ронандаи 59-сола дар пайи бархӯрди “Опел-Астра” ва “ГАЗ-53”

26 сентябр 2017, 10:46

Бар асари як садамаи нақлиётӣ дар шимоли Тоҷикистон як нафар ба ҳалокат расида, як каси дигар захм бардоштааст.

Вазорати умури дохилии Тоҷикистон мегӯяд, ҳодиса шоми 24 сентябр дар ҳудуди ноҳияи Ҷаббор Расулов ба вуқӯъ пайвастааст: “Ронандаи автомашинаи тамғаи “Опел-Астра”, Урунов Холбой Анорқулович, соли таваллудаш 1950, сокини ҷамоати деҳоти Гулхонаи ноҳияи Ҷаббор Расулов, ҳангоми ҳаракат бо роҳи нақлиётгарди ҷамоати деҳоти Меҳрободи ҳамин ноҳия бехатарии ҳаракати роҳро таъмин карда натавониста, ба автомашинаи тамғаи “ГАЗ-53”, таҳти идораи ронанда, Зикриёев Зоир Алиевич, соли таваллудаш 1958, сокини ҷамоати деҳоти Гулхонаи ноҳияи Ҷ.Расулов, бархӯрдааст”.

Манбаъ мегӯяд, дар натиҷа ронандаи “ГАЗ-53” ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст: “Мусофири автомашинаи тамғаи “Опел-Астра”, Бекназарова Зуҳро Холбоевна, соли таваллудаш 1980, сокини ноҳияи мазкур, ҷароҳати ҷисмонӣ бардошта, дар беморхона бистарӣ шудааст”.

Ба иттилои ВКД, ҳоло таҳқиқи ҳодиса идома дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!