Русский  >>  فارسی  >>  Чоршанбе 19 июн 2019, 00:08

Пешниҳод: 2018 соли Садриддин Айнӣ эълон шавад!

26 сентябр 2017, 15:35

Як журналист ва фаъоли ҷомеаи шаҳрвандӣ пешниҳод карда, ки 2018 соли Садриддин Айнӣ, сардафтари адабиёти муоссири тоҷик эълон шавад. Ин пешниҳод дар пайи сару садоҳо перомуни кӯч додани қабри ӯ ироа шудааст.

Журналисти тоҷик Холиқназар Ҷумъаев дар саҳфаи фейсбукаш бо таъкиди ин нукта, ки соли 2018 аз мавлуди Садриддин Айнӣ 140 сол сипарӣ мешавад, пешниҳод карда, “хуб мешуд агар бахшида ба ин санаи муқаддас соли 2018-ро “Соли Айнӣ” эълон карда, ба ҷойи кӯчонидани қабри ӯ, мақбара ва ё зиёратгоҳе дар боғи ба номи Айнӣ бунёд шавад”.

Ба андешаи ӯ, ин туҳфаи хубе барои Айнӣ ва хизматҳои ӯ дар назди насли имрӯзу фардои тоҷик хоҳад шуд.

Ахиран, сару садоҳое баланд шуд, ки шаҳрдории Душанбе қасд дорад қабри Садриддин Айнӣ, сардафтари адабиёти шӯравии тоҷикро аз боғи ба номи Айнӣ ба гӯристони Лучоб кӯч бидиҳад. Ин сару садоҳо вокунишҳои зиёдеро дар шабакаҳои иҷтимоӣ дар пай дошт ва аксаран аз ин тасмим интиқод карданд. Аммо Абдумаҷид Усмонов, сухангӯи шаҳрдори Душанбе 25 сентябр дар суҳбат бо “Озодагон” гуфт, феълан тасмими ниҳоӣ дар мавриди кӯчондани оромгоҳи Садриддин Айнӣ қабул нашудааст. Ӯ ваъда дод, иттилои дақиқ дар ин бора ба зудӣ пешниҳоди омма мешавад.

Дар боғи Айнӣ, ки феълан мавриди таъмиру бозсозӣ қарор дорад, дар баробари устод Садриддин Айнӣ (санаи марг 15 июли соли 1954) инчунин раҳбарони вақти Тоҷикистони шӯравӣ Бобоҷон Ғафуров (санаи марг 12 июни соли 1977), Ҷаббор Расулов (4 апрели 1982) ва шоири маъруф Боқӣ Раҳимзода (30 январи соли 1980) ба хок супорида шудаанд.



Шарҳи худро бинависед:

Ном:*
E-Mail:
Матни шарҳ:
Посух додан
  • shahrom

  • 26 сентябр 2017 19:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Bisyor xub meshud agar dar bogi ayni yagon maqbarae sozan , dar Xujand niz bogi Kamoli Xujandi hast va dar on niz ziyoratgohi Kamoli Xujandi ast ,bisyor zebo meshad.
Посух додан
  • Эрач

  • 26 сентябр 2017 21:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рухи устод Айни ва дигар бузургонро ноором накунед. Айб ва бехурмати.
Посух додан
  • Solim

  • 26 сентябр 2017 22:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Jabor Rasulov Behtarin inson khizmathoi behtarin baroi milati tojik kardaast charo mo yode az in mard namekunem ???

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!