Русский  >>  فارسی  >>  Сешанбе 20 феврал 2018, 12:39

Ҳомиёни ҳуқуқ аз Тошканд хостанд, рӯзноманигор Абдуллоевро озод кунад

4 октябр 2017, 15:23

Як гуруҳи ҳомиёни ҳуқуқи Фаронса аз мақомоти Узбекистон хостанд, ки рӯзноманигор Бобомурод Абдуллоевро аз боздошт раҳо кунанд. Абдуллоев, ба гуфтаи ҷонибдоронаш, чанд рӯз аст, ки дар маҳбас нигоҳ дошта мешавад.

"Мо аз ҳукумати Узбекистон даъват мекунем, ки рӯзноманигори мустақил Бобомурод Абдуллоевро фавран раҳо карда, ҳуқуқи ӯро ба озодии баён таъмин ва дастрасии ӯро ба ҳимояи ҳуқуқҳояш муҳаё созад", - омадааст дар изҳороти Эътилофи ҳуқуқи инсон дар Осиёи Марказӣ.

Катя Балхибоева, ҳамсари Абдуллоев 27 сентябр дар бораи нопадидшавии рӯзноманигор хабар дод. 29 сентябр кормандони пулис манзили Абдуллоевро кофтукоб карданд.

Пулис хабар дод, ки Абдуллоеви 44-сола бо гумони дуздӣ боздошт шудааст. Миноят Парпиева, вакили дифои тошкандӣ хабар дод, ки рӯзноманигор дар боздоштгоҳи Хадамоти амнияти миллӣ (ХМА) нигаҳдорӣ мешавад. Парпиева гуфт, ХМА ба ӯ иҷозаи мулоқот бо Абдуллоевро надодааст.

Бобомурод Абдуллоев - рӯзноманигори соҳаи варзиши Узбекистон аст, ки лоиҳаи "Овози озодӣ"-ро таъсис додааст. Вай ҳамчунин дар лоиҳаи Институти ҷанг ва сулҳи Лондон ба ҳайси хабарнигор фаъолият кардааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!