Русский  >>  فارسی  >>  Сешанбе 18 июн 2019, 23:58

Бори нахуст дар таърихи навин: Вазири мудофиаи Узбакистон ба Душанбе меояд

5 октябр 2017, 14:43

Генерал-майор Абдусалом Азизов, вазири навтаъини мудофиаи Узбакистон ба Тоҷикистон меояд.

Дар ин бора расонаҳои Узбакистон иттилоъ афзудаанд, ки ин нахустин сафари вазири мудофиаи узбак ба Тоҷикистон дар замони соҳибистиқлолии ду кишвар мебошад.

Манбаъ афзуд, Абдусалом Азизов дар ҷаласаи Шӯрои вазирони мудофиаи кишварҳои Иттиҳоди Давлатҳои Мустақил, ки аз 11 то 13 октябр дар Душанбе доир мегардад, иштирок хоҳад кард. Дар назар аст, вазири мудофиаи Узбакистон бо ҳамтои тоҷикаш ва вазирони дигар кишварҳо мулоқот намояд.

Генерал-майор Абдусалом Азизов моҳи июни соли ҷорӣ ҳамчун вазири умури дохилии Узбакистон барои иштирок дар нишасти Шӯрои вазирони корҳои дохилии кишварҳои узви ИДМ ба Душанбе омада буд. Ӯ 4 сентябри соли ҷорӣ ба мақоми вазири мудофиаи Узбакистон таъйин гашт.

Замони раҳбарии Ислом Каримов Узбакистонро дар аксари нишастҳои дохили ИДМ муовини вазири мудофиа намояндагӣ мекард.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!