Русский  >>  فارسی  >>  Якшанбе 19 ноябр 2017, 02:09

Автопарк-мошинсарой, ҷонварбоғ- зоопарк, землемер- заминпаймо, маршрутка-хатгард…

23 октябр 2017, 16:07

Рустами Ваҳҳоб, донишманди шинохта ва аз муассисони гуруҳи “Дуруст бинависем” дар Фейсбук чандест барои корбарон гузина ё баробарии тоҷикии вожаву истиллоҳҳои русиро пешниҳод мекунад. Ин иқдом ба истиқболи гарми хонандаҳои Фейсбук рӯ ба рӯ шуд ва донишмандони дигар низ пешниҳодҳои худро ироа карданд. “Озодагон” тасмим гирифт, ин гузинаҳоро ба нашр расонад.

P.S. Ин рӯйхат такмил мешавад.



1) МОШИНСАРОЙ - автопарк

2) ХОБА - консерва
Тавзеҳ: Аз он ҷо, ки дар тоҷикӣ ба маънои косерва хобондан-консервирование (баъзан дар намак ё чизи дигар) ба кор меравад. Яъне мо чизеро дар ҳамон ҳоли мавҷудаш, то замони ба кор бурдан мехобонем, то дар ҳамон вазъ ҳифз шавад, ва мавқеъи истифода онро дар ҳамон ҳоли аввал дармеёбем. Консирвированний завод-ро ҳам корхонаи хобонда мегӯянд.

3) ЗИБОҒ (ҷонварбоғ) - зоопарк
Тавзеҳ: боғи ҳайвонот ду калима аст ва борҳо мушоҳида шуда, ки ҳайвонотро ба танз ба кор мебаранд ва аз гуфтани боғи ҳайвонот бисёриҳо парҳез мекунанд ва аз боғи ваҳшу вуҳуш эҳсоси ваҳшат.

4) ТАСМАЧЕН - рулетка
Тавзеҳ: Чен мухаффафи чанд (чан) (дар навишти форсӣ бидуни ё چن) яъне андоза (чандӣ, чандо) аст, ки дар талаффузи мардум "чен" шуда ба маънии андоза ва андозагирӣ роиҷ шудааст. Ин калимаро метавон ҳам номи ин асбоб кард ва ҳам баёни амале, ки бо он анҷом мешавад, яъне тасмачен кардан.

5) РАҲОНА - проездной билет

6) БОҒИ НАБОТ - ботанический сад

7) КУБО - комбайн

8) ЗАМИНПАЙМО - землемер
тавзеҳ: Ҳам номи асбоб ва ҳам мутахассис.

9) ОБАФШОР - соковыжималка
Тавзеҳ: Сок дар забони мо аслан оби мева аст. Мо оби ангур, оби анор, оби себ ва... мегӯем. Шарбати арабӣ дар забони мо каме тобиши дигар дорад. Оби холиси меваро маъмулан шарбат намегӯянд, балки фаровардаи онро (коркардшудаашро) шарбат меноманд, ки тағйире дар он шуда.

10) ДОРУЧАК - капельница

11) ОБРАВСОЗ - сантехник

12) ҲАВОСОЗ - кондиционер
Тавзеҳ: Кондиционер аз решаи "кондиция" (эътидол-муътадил) ба хотири сохтани (соз) ҳавои муътадил ва матлуб аст. "Соз" ба ғайр аз маънои сохтан (эҷод) ва сохтан (созгорӣ-эътидол) боз маънои асбобро ҳам дорад.

13) ПАРАЧАТР - парашют

14) СИМОНШӮР, БЕТОНШӮР - бетономешалка

15) СЕЧАРОҒ - светофор

16) ЧАКОНА - пипетка

17) ЗИНАГАРДОН - эскалатор
Тавзеҳ: Пиллагардон-ро ҳам мехостам изофа бикунам, аммо дидам, ки дар Эрон онро ба маънои пиллаи печишдор ба кор бурдаанд.

18) ЛАВҲИ ЛАМСӢ (ё ПАРМОСӢ) - сенсорный экран
Тавзеҳ: Умуман, сенсорный - ламсӣ (ё пармосӣ) ҳар чизе бошад.

19) КАША - трос для буксировки

20) ПОША - пульверизатор

21) ДИДГАР - камера наблюдения

22) НОРАФШОН - фейерверк, салют

23) ҚАҲВАСО(Й) - кофемолка
Тавзеҳ: Қаҳваос (Қаҳвос) ҳам метавон гуфт. Аммо ба назарам аввалӣ беҳтар аст.

24) НАМОГАРД-НАМОГАРДОН - пульт для телевизора

25) ГИРОНА - ключи (пульти) зажигания, заводные

26) ҚАФАСОБ - аквариум
Тавзеҳ: Барои ҳама навъ ҷонварони обзӣ, на танҳо моҳӣ.

27) ТОВТИР - коленчатый вал

28) ОШЁНБАР,ОШЁНПАЙМО - лифт

29) РЕЗБИН - лупа

30) ГАРДОНА (двигатель - мотор

31) РАНГНОЙ - запаска для авторучки

32) ХАТГАРД - маршрутка

33) НОМБАРГ - бейджик

34) РАҲНИШОН - дорожный знак

35) НИШОНБАРГ - визитка


Шарҳи худро бинависед:

Ном:*
E-Mail:
Матни шарҳ:
Посух додан
  • Точик

  • 24 октябр 2017 05:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Вакте, ки парашют, мотор ва гайраро, ки ихтироъ карди, чизе, ки мехони ном гузор, бисёри ин чизхо дар тамоми дунё хатто як ном доранд ва тарчума намешаванд. Ба мисоли автомобил, телефон ва гайра. То ба корхои бемаъни банд шудан, хуб мешуд, ки ягон чиз ихтироъ мекардем. Мардуми точик кораш факат шеърнависиву афсонависи.
Посух додан
  • Донишманд

  • 24 октябр 2017 07:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ягон технологияи нав дар сохахои илмхои дакик пешниход мешуд 1000 бор хубтар мебуд, ин забонбози моро пеш намебара , баръакс хеле кафо мебара, охир дар куча одамон меган, ки мо алаккай дар асри 21 карор дорем, намедонум рост боша ё дуруг. Ин пешниходхои Шумо ба асрхои 10-11 таалук доранд.

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!