Бахшҳо

А.Миралиев: КБСС танҳо дар Рашт ба 22 хонавода кӯмак намудааст

Рӯзи гузашта, 23-уми январ муовини якуми райиси Маҷлиси намояндагони Маҷлиси Олии Тоҷикистон Амиршо Миралиев бо роҳбари намояндагии Кумитаи байналмилалии Салиби Сурх дар Тоҷикистон Северин Шаппаз мулоқот намуд.


Муҳаммадато Султонов, сухангӯи палатаи поёнии парлумони Тоҷикистон ба хабаргузории «Озодагон» гуфт, тақвияти ҳамкориҳои вазорату идораҳои дахлдори мамлакат бо ин созмони бонуфуз ва мусоидати парлумони кишвар барои фароҳам овардани шароити беҳтари равобити байни кумитаи мазкур бо Ҷумҳурии Тоҷикистон аз мавзӯъҳои меҳварии ин дидор буд.
Муовини аввали раиси МН МО аз фаъолиятҳои густурдаи Кумитаи байналмилалии Салиби Сурх дар Тоҷикистон изҳори қанотмандӣ намуда, ҳамзамон таъкид дошт, ифтитоҳ шудани дафтари намояндагии кумита дар соли 2010 дар якчанд минтақаи Тоҷикистон шаҳодати он аст, ки равобити миёни давлати мо ва Кумитаи байналмилалии Салиби Сурх (КБСС) ба марҳилаи нави ҳамкорӣ ворид шудааст: «Мо медонем, ки ҳоло дар панҷ ноҳияи водии Рашти Тоҷикистон дафтарҳои намояндагии КБСС фаъолият мекунанд, ки расонидани кўмакҳои тиббӣ аз барномаҳои аввалиндараҷаи он ба шумор меравад. Ин ниҳоди имдодрасони байналмилалӣ соли 2010 танҳо дар води Рашт ба 22 хонавода кўмакҳои гуногуни моддию маънавӣ расонидааст», - гуфт Амиршо Миралиев.  Номбурда афзуд, КБСС дар ҳамкорӣ бо Ҷамъияти Ҳилоли Аҳмари Тоҷикистон (ҶҲАТ) мавқеи худро қариб дар тамоми минтақаҳои кишвар бо мақсади омўзиши ҳолат ва вазъи зиндагии аҳолӣ ва тартиби расонидани кўмак ба сокинон устувор намуда, ҳамчунин дар соли 2011 ба се намояндагии ҶҲАТ таҷҳизоти гуногуни тиббӣ кўмак кардааст.
«Маҷлиси намояндагони Маҷлиси Олии Тоҷикистон дар оянда низ барнома ва тарҳҳои Кумитаи байналмилалии Салиби Сурх дар Тоҷикистонро ҷонибдорӣ карда, барои амалӣ шудани онҳо фазои ҳуқуқиро фароҳам хоҳад овард», - гуфт дар анҷоми мулоқот Амиршо Миралиев.
Роҳбари намояндагии КБСС дар Тоҷикистон хонум Северин Шаппаз низ аз сатҳи ҳамкории кумитаи мазкур бо Ҷумҳурии Тоҷикистон ибрози қаноатмандӣ намуда, хотирнишон сохт, ки ҳанўз байни Ҷумҳурии Тоҷикистон ва Кумитаи байналмилалии Салиби Сурх тамоми имконоти мавҷуди равобит мавриди истифода қарор нагирифтаанд. «Мо умедвор ҳастем, ки ин мулоқот саҳифаҳои ҳанўз накушода дар китоби таърихи равобити дуҷонибаро боз мекунад».
Манбаъ афзуд, Северин Шаппаз таъкид намуд, ки кумитаи мазкур мақсад дорад соли 2012 дар асоси чанд барномаҳо, аз ҷумла расонидани кўмак ба маҳбусон ва наздикону пайвандони онҳо, беному нишоншудагон, гузаронидани семинар ва мизҳои гирд бо намояндагони ВАО, сохторҳои қудратӣ дар заминаи расонидани кўмакҳои башардўстона фаъолияти худро мутамарказ намояд.

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)