Бахшҳо

Шукурҷон Зуҳуров: Дар масъалаи муайян кардани нафақапулӣ иштибоҳ вуҷуд дорад

Имрӯз дар Душанбе таҳти раёсати Шукурҷон Зуҳуров, райиси МН ҷаласаи навбатии палатаи поёнии парлумони кишвар сурат пазируфт.

Тавре Муҳаммадато Султонов, сухангӯи МН ба хабаргузории «Озодагон» иттилоъ дод, дар нишаст  лоиҳаҳои Қонунҳои Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хариди давлатии мол, кор ва хизматрасонӣ», Ёддошти тафоҳум байни Ҳукумати Ҷумҳурии Тоҷикистон ва Созмони амният ва ҳамкорӣ дар Аврупо (Бюрои САҲА дар Тоҷикистон) ва лоиҳаи қонуни Ҷумҳурии Тоҷикистон «Дар бораи экспертизаи экологӣ» баррасӣ ва қабул гардиданд.

Зимнан, Маҳмадамин Маҳмадаминов, вазири меҳант ва шуғли аҳолӣ  ва вакил Бек Қурбонов зимни суханронии худ аз рӯи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» мақсад аз пешниҳоди лоиҳаи қонуни мазкурро мукамал намудани қонуни амалкунанда ва мутобиқгардонии он бо дигар санадҳои меъёрии ҳуқуқии Ҷ умҳурии Тоҷикистон арзёбӣ намуданд. Зикр шуд, ки тибқи лоиҳаи  пешниҳодшуда, ворид кардани тағйиру иловаҳо ба қисмҳои 4, 6,11 ва 30 дар  назар дошта шудааст, ки барои мукаммал намудани қонуни амалкунанда мусоидат менамояд.

Дар ҳамин ҳол, Шукурҷон Зуҳуров андешаҳои худро иброз дошта, хостори иҷрои дуруст ва ҳамаҷонибаи талаботи қонун «Дар бораи таъмини нафақаи шаҳрвандони Ҷумҳурии Тоҷикистон» шуд. Ӯ гуфт, мутаассифона, дар бештари мавридҳо дар масъалаи муайян кардани ҳаҷми маблағи нафақаи нафақахӯрон дидаву дониста ба иштибоҳҳо роҳ дода мешавад, ки дар натиҷа таъсири манфии худро ба фонди ҳифзи иҷтимоӣ мерасонад. Дар ин росто, аз масъулони соҳа даъват ба амал оварда шуд, ки барои рафъи камбудиҳои ҷойдошта ва риояи қатъии талаботи қонуни амалкунанда иқдоми ҷиддиро рӯи даст бигиранд.

Ёддошти тафоҳум байни Ҳукумати Ҷумҳурии Тоҷикистон ва Созмони амният ва ҳамкорӣ дар Аврупо Бюрои САҲА дар Тоҷикистон, ки дар таърихи 8 апрели соли 2011 дар шаҳриДушанбе ба имзо расидааст, пас аз суханронии муовини аввали Вазири корҳои дохилии Тоҷикистон Нурулло Орипов ва вакили МН Абдузафар Иномов тасдиқ шуд.

Санади мазкур бо мақсади расонидани ёрӣ ва мадади машваратӣ ба Вазорати корҳои дохилии Ҷумҳурии Тоҷикистон дар фаъолияти самарноки ҳифзи ҳуқуқ ва мусоидат намудан ба ислоҳоти милитсия ба тасвиб расидааст.

 

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)