Ҷиҳати аз офатҳои табиӣ пешгирӣ кардани манзилҳои маскунӣ ва заминҳои кишт дар шаҳри Панҷакент корҳои соҳилмустаҳкамкунӣ ҷараён дорад.
Ба иттилои Хадамоти матбуотии раиси вилояти Суғд, феълан, корҳои аз қуму санг тозакунӣ дар 9 сойи селрави калон- Сойи Зебон, Амондара, Хушҳалвоӣ, Зиддӣ, Мазор, Дупула, Навобод ва Ҳавзак идома дорад. «Дар як муддати кӯтоҳ дар ин сойҳо бояд 9 ҳазору 500 метр корҳои мустаҳкамгардонӣ ба иҷро расанд. Имрӯзҳо ба маблағи то 2 миллион сомонӣ, корҳои соҳилмустаҳкамкунӣ дар садди Ғарибаки ҷамоати деҳоти Хурмӣ, садди Қумсоёни ҷамоати деҳоти Суҷина муташаккилона идома дорад»,-афзуд манбаъ.
Бо мақсади мустаҳкам намудани соҳили дарёи Зарафшон ва нигоҳ доштани заминҳои корам аз офат дар ин саддҳо ба масофаи 900 метр корҳои соҳилмустаҳкамкунӣ ба иҷро мерасад ва дар натиҷа зиёда аз 200 га заминҳои нави корам ба истифода дода мешавад. Корҳои соҳилмустаҳкамкуниро ҶС КСМ-278 ва идораи Тоҷикселҳимоя бар душ доранд.
Мӯҳр