Бадахшон: 73 мактаб дар панҷ сол бунёд шудааст

Зимнан, ҳисоботи вазорати меҳнат ва ҳифзи иҷтимоии аҳолӣ оид ба раванди иҷрои қарорҳои ҳукумат дар самти муҳоҷирати дохилӣ ва экологӣ шунида шуд.   Президент дастур дод, ки иҷрои пурраю саривақтии қарорҳои марбута доир ба муҳоҷирати дохилӣ ва экологии аҳолӣ бо бунёди шаҳраку деҳаҳои муосири дорои инфрасохтори зарурӣ дар саросари кишвар таъмин карда шавад.

Қодири Қосим, райиси вилояти МКБ доир ба рафти иҷрои барномаи рушди иҷтимоию иқтисодии вилоят дар давраи то соли 2015 ҳисобот дод. Аз ҷумла зикр гардид, ки аксари нишондодҳои барномаи мазкур бо пешравӣ аз нақшаи тасдиқшуда, амалӣ мешаванд. Дар 5 соли татбиқи барнома дар Вилояти Мухтори Кӯҳистони Бадахшон беш аз 26 ҳазору панҷсад ҷойи корӣ муҳайё гардидааст. Натиҷаҳо аз ҳама бештар дар соҳаи агросаноатӣ ба назар мерасанд, зеро ҳаҷми истеҳсолот дар ҳамаи бахшҳои ин соҳа дар соли 2010 нисбат ба нишондодҳои дар барнома муайяншуда аз 12 то 81% зиёд иҷро шудаанд. Дар зарфи 5 сол дар вилоят 73 мактаб бунёд ёфта, 12 мактаби дигар дар ҳоли сохтмон қарор доранд. Ҳамин гуна пешравиҳо дар тамоми соҳаҳои хоҷагии халқ, аз ҷумла саноат, нақлиёт, тандурустӣ, фарҳанг, варзиш ва ғайра ба назар мерасанд.

Зимнан, президент таваҷҷӯҳи ҳозиринро, ҳамчунин ба ҳифзи бозори истеъмолӣ ва таъмини амнияти озуқаворӣ тавассути таъмини фаровонию арзонӣ, истифодаи сарфакоронаи маблағҳои буҷетӣ, барқу газ ва дигар навъҳои сӯзишворӣ ҷалб намуда, ба масъулин  супоришҳои мушаххас дод.{jathumbnail off}