Содироти Эрон бо вуҷуди таҳримҳо дар соли 2011 ба 131 миллиард $ расид

Созмони ҷаҳонии тиҷорат дар тозатарин гузориши худ аз рушди 30%-и  содироти Эрон дар соли 2011 хабар дод.

Ба гузориши хабаргузории Форс, Созмони ҷаҳонии тиҷорат дар гузориши охири худ бо номи "Тиҷорати ҷаҳонӣ дар соли 2011" таъкид кардааст, дар ҳоле ки ҳаҷми тиҷорати ҷаҳонӣ дар соли гузашта танҳо 5% рушд доштааст, мизони содироти Эрон бо вуҷуди таҳримҳои Амрико ва Аврупо беш аз 30% рушд кардааст. Бар асоси ин гузориш, мизони содироти Эрон дар соли гузашта ба беш аз 131 миллиард доллар расида ва Эрон дар соли 2011, бистусеюмин содиркунандаи бузурги ҷаҳон будааст. Мизони содироти Эрон дар соли 2010 ба 101 миллиард доллар расида буд. Ҳамчунин бар асоси ин гузориш, арзиши содироти Эрон дар шаш соли гузашта беш аз ду баробар афзоиш ёфтааст. Соли 2005 ин нишондод  56,2 миллиард долларро ташкил медод.

Мӯҳр